Հայաստանի Նախագահը Հանդիպեցաւ ԱՄԷի Փոխնախագահ  Շէյխ Մուհամմետ Պըն Ռաշիտ Ալ Մաքթումի Հետ

0118rashid

0118rashid

Պաշտօնական այցելութեամբ Արաբական Միացեալ Էմիրութիւններ գտնուող Հայաստանի Հանրապետութեան նախագահ Արմէն Սարգսեան 17 Յունուարին հանդիպեցաւ ԱՄԷի փոխնախագահ, վարչապետ, պաշտպանութեան նախարար, Տուպայի կառավարիչ շէյխ Մուհամմետ պըն Ռաշիտ ալ Մաքթումի հետ:

Նախագահի աշխատակազմի հասարակայնութեան եւ տեղեկա-տուութեան միջոցներու հետ կապերու վարչութիւնը կը տեղեկացնէ, թէ նախագահ Սարգսեան եւ շէյխ Մուհամմետ պըն Ռաշիտ ալ Մաքթում քննարկեցին զանազան բնագաւառներու մէջ երկու երկիրներուն համագործակցութեան, մասնաւորապէս գործարար կապերու ընդլայնման եւ ելեւմտական համագործակցութեան վերաբերող հարցեր եւ կարեւոր համարեցին զբօսաշրջութեան ոլորտի զարգացման միտուած քայլերը:

«Մենք կ՛ողջունենք Հայաստանի տնտեսութեան զանազան ոլորտներու նկատմամբ էմիրաթական ընկերութիւններու հետաքրքրութիւնը եւ կ՛աջակցինք հնարաւոր ներդրողներուն», ընդգծեց նախագահ Սարգսեան:

Կողմերը համաձայնեցան համապատասխան պատուիրակութիւն գործուղելու Հայաստան՝ տեղւոյն վրայ կարելիութիւններուն ծանօթանալու եւ գործակցութեան հնարաւորութիւնները քննարկելու նպատակով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top