Իրանի Ռազմական Կցորդը Կը Վերահաստատէ Իր Երկրի Դիրքորոշումը Արցախեան Հիմնահարցին Վերաբերեալ

0118vejdani

0118vejdaniԵՐԵՒԱՆ, «Երկիր Մեդիա».- 17 Յունուարին Հայաստանի պաշտպանութեան նախարարութեան (ՊՆ) պաշտպանական քաղաքականութեան վարչութեան պետ Լեւոն Այվազեան ընդունեց Հայաստանի Հանրապետութեան մէջ Իրանի Իսլամական Հանրապետութեան (ԻԻՀ) դեսպանութեան ռազմական կցորդ Մահտի Վեճտանիին: Հանդիպման ընթացքին քննարկուեցան պաշտպանութեան ոլորտին մէջ երկկողմ յարաբերութիւններու զարգացման ընթացիկ հարցերը եւ յառաջիկայ ծրագիրները: Կողմերը անդրադարձան նաեւ 16 Յունուարին Իրանի բանակի սպայակոյտի պետ, զօրավար Մոհամմատ Պաղերիի՝ Ատրպէյճան կատարած այցելութեան եւ վերջինիս՝ Արցախի հիմնահարցին շուրջ արտայայտած դիրքորոշման վերաբերեալ ատրպէյճանական մամուլին մէջ շրջանառուող տեղեկատուութեան:

Հայաստանի պաշտպանութեան նախարարի մամլոյ քարտուղար Արծրուն Յովհաննիսեան յայտնեց, որ ԻԻՀ ռազմական կցորդը վերահաստատեց բազմիցս արտայայտուած Իրանի հաւասարակշռուած դիրքորոշումը արցախեան հիմնահարցին վերաբերեալ, ընդգծելով, որ այդ դիրքորոշումը որեւէ փոփոխութեան չէ ենթարկուած եւ մամուլին մէջ ներկայացուող տեղեկատուութիւնը ու անոր զանազան մեկնաբանութիւնները ճիշդ չեն: Շեշտելով երկու երկիրներուն միջեւ գոյութիւն ունեցող քաղաքական բարձր մակարդակի յարաբերութիւնները, կողմերը վստահութիւն յայտնեցին, որ յառաջիկային բարձրաստիճան փոխայցելութիւններու եւ անոնց ընթացքին զանազան հարցերու շուրջ պաշտօնական դիրքորոշումներ արտայայտելու բազմաթիւ առիթներ պիտի ըլլան:

Այս առումով, Լեւոն Այվազեան եւ Մահտի Վեճտանի ընդգծեցին պաշտպանութեան ոլորտին մէջ յարաբերութիւններու զարգացման կարեւորութիւնը՝ ի նպաստ տարածաշրջանային կայունութեան, խաղաղութեան եւ անվտանգութեան ամրապնդման:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top