Հայաստան Հիմնադրամը Տարբերանշանի Մրցոյթ Կը Յայտարարէ

0118armeniafund

0118armeniafund

Հայաստան Համահայկական հիմնադրամը կը յայտարարէ հիմնադրամին տարբերանշանի եւ վերաոճաւորման (rebranding) առաջարկներու բաց մրցոյթ:

Հայաստան Համահայկական հիմնադրամը կը տեղեկացնէ, թէ մրցոյթը նպատակ ունի վերաիմաստաւորելու հիմնադրամին դերը իբրեւ համահայկական ամբողջական ներուժը միաւորող, մեր հայրենիքին հանդէպ հոգատարութիւն դրսեւորող կառոյց: Տարբերանշանի վերաոճաւորման հայեցակարգը պէտք է ներառնէ հիմնադրամին անունը հայերէն (Հայաստան Համահայկական Հիմնադրամ) եւ անոր կիրառման հնարաւորութիւն տայ նաեւ անգլերէնով, ռուսերէնով եւ ֆրանսերէնով: Տարբերանշանը պէտք է ըլլայ ժամանակակից եւ նորարարական լուծումներով, արտայայտէ հիմնադրամին առաքելութիւնը:

Մրցոյթին կրնան մասնակցիլ բոլոր հետաքրքրուած կազմակերպութիւնները կամ անձեր՝ որեւէ բնակութեան վայրէ: Մշակուած առաջարկին փաթեթը պէտք է ներառնէ տարբերանշանի «էսքիս»ը (ուրուագիծը, նախագիծը-Խմբ.) եւ անոր կիրառման հնարաւոր տարբերակները: Անիկա պէտք է ներկայացուի ելեկտրոնային եղանակով՝ հայերէն կամ անգլերէն, առաւելագոյնը 10 էջէ բաղկացած Adobe Acrobat Reader (PDF) ձեւաչափով, որ պէտք չէ գերազանցէ 20 ՄՊը:

Յայտի փաթեթը պէտք է կազմուած ըլլայ շարք մը բաղադրիչներէ, ինչպէս՝ տարբերանշանի «էսքիս», ունենայ կիրառման հնարաւոր լուծումներ (գունաւոր, մոնոքրոմ, մեծ չափերով՝ պաստառի վրայ, փոքր չափերով՝ այցեքարտի համար, տարբեր այլ կիրառման կարելիութիւններ), գաղափարի հակիրճ նկարագրութիւն, գաղափարի հեղինակներուն մասին տեղեկութիւն, ինչպէս նաեւ իւրաքանչիւրին մասնակցութիւնը ներկայացուած փաթեթի մշակման գործին մէջ:

Նշենք, որ յայտերը կ՛ընդունուին մինչեւ 16 Փետրուար՝ ներառեալ: Յայտը պէտք է ուղարկել d.banuchyan@himnadram.org ե-նամակի հասցէին՝ վերնագիրի (subject) տողին վրայ նշելով New Himnadram Re-Branding բառակապակցութիւնը: Լաւագոյն երեք տարբերանշաններուն ընտրութիւնը տեղի պիտի ունենայ 18-22 Փետրուար ժամանակահատուածին: Հանրային քննարկումը տեղի պիտի ունենայ 23-27 Փետրուարի ընթացքին: Վերջնական տարբերանշանի ընտրութիւնը տեղի պիտի ունենայ 8 Մարտին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top