Փայլան Յստակացում Կը Պահանջէ Թուրքիոյ Արդարադատութեան Նախարարէն

0118Garo-Paylan

0118Garo-Paylan

ՊՈԼԻՍ, «Ակօս».- Թուրքիոյ քրտամէտ Ժողովուրդներու ժողովրդավարական կուսակցութենէն հայազգի պատգամաւոր Կարօ Փայլան յստակացում պահանջած է արդարութեան նախարարէն՝ իր դէմ սկսած եւ քրէական օրէնսգիրքի տխրահռչակ 301րդ յօդուածով դատական հետապնդումին գծով։

Փայլան իր յղած հարցումնագիրին մէջ, նախ ընդգծած է, թէ Հրանդ Տինքի սպանութեան մէջ կարեւոր դերակատարութիւն ունեցած է այդ յօդուածի հիմամբ դատապարտուիլը եւ Տինքի ուղղեալ բոլոր ատելութեան պատգամներու ետին շահագործուած են այդ յօդուածով սահմանուած պատիժի առկայութիւնը: Փայլան նաեւ յիշած է, թէ Եւրոպական Միութեան օրէնքներուն պատշաճելու գործընթացին մէջ յօդուածը վերատեսութեան ենթարկուած էր եւ այդ յօդուածով դատ բանալու համար պայման դրուած էր արդարադատութեան նախարարի արտօնութեան ապահովումը:

Կարօ Փայլան արդարադատութեան նախարարին ուղղած է եօթը հարցում, որոնք կը վերաբերին այդ յօդուածի շրջագիծին մէջ 2008էն ի վեր յարուցուած հարցաքննութեան թոյլտուութիւններու, արգելքներու, այդ շրջագիծին մէջ շարունակուող դատերու կամ արձակուած վճիռներու մասին:

Փայլան նաեւ հարցուցած է, թէ այդ ծիրին մէջ Մարդկային իրաւանց եւրոապական ատեանին մէջ Թուրքիոյ դէմ յարուցուած մեղադրանքներուն թիւը որքա՞ն է եւ մինչեւ օրս անոնց համար Անգարա որքա՞ն վնասուց հատուցում տուած է:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top