Համանախագահները Կը Ծրագրեն Մօտիկ Ապագային Հանդիպիլ Հայաստանի Եւ Ատրպէյճանի Ղեկավարներուն Հետ

0118minsk
0118minsk

ԵԱՀԿի Մինսկի խմբակի համանախագահները Հայաստանի վարչապետ Նիկոլ Փաշինեանի հետ, Երեւան, 13 Յունիս 2018ին

ԵՐԵՒԱՆ, «Ազատութիւն».- ԵԱՀԿի Մինսկի խմբակի համանախագահները կը ծրագրեն մօտիկ ապագային հանդիպիլ Հայաստանի եւ Ատրպէյճանի ղեկավարներուն հետ, 17 Յունուարին յայտարարեցին Արցախի հակամարտութեան կարգաւորման միջնորդները, Փարիզի մէջ մէկ օր առաջ տեղի ունեցած երկու երկիրներու արտաքին գործոց նախարարներուն միջեւ խորհրդակցութիւններու արդիւնքները ամփոփող յայտարարութեան մէջ:

«Նախարարները քննարկեցին Լեռնային Ղարաբաղի հակամարտութեան կարգաւորման հարցերը եւ համաձայնեցան բնակչութիւնները խաղաղութեան նախապատրաստելու համար յստակ միջոցառումներու ձեռնարկելու անհրաժեշտութեան վերաբերեալ», ըսուած է համանախագահներուն յայտարարութեան մէջ, որ հրապարակուած է ԵԱՀԿի պաշտօնական կայքին վրայ։

«Նախարարները եւ համանախագահները քննարկեցին Ատրպէյճանի եւ Հայաստանի առաջնորդներուն միջեւ հաւանական գագաթնաժողովի մը ուղղութեամբ յետագայ քայլերը՝ բանակցութիւնները զգալիօրէն աշխուժացնելու նպատակով։ Համանախագահները նաեւ ընդգծեցին տարածաշրջանի տնտեսական ներուժի իրականացման միտուած փոխշահաւէտ նախաձեռնութիւններու կարեւորութիւնը», ըսուած է Իկոր Փոփովի, Սթեֆան Վիսքոնթիի եւ Էնտրու Շոֆըրի յայտարարութեան մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top