Ս. Ծնունդի Հաւաքը Պըրպնքի Հայ Համայնքին Անցեալ Տարուան Իրագործումները Քննելու Առիթ Հանդիսացաւ

Ձախէն աջ՝ Վիգէն Պապիկեան, Սիլվա Քէշիշեան, Շերըն Սփրինկըր եւ Անդրանիկ Չարշաֆեան

 

ՊԸՐՊԵՆՔ.- «Պըրպենք Լիտըր».- Երկուշաբթի, 14 Յունուարի երեկոյեան, Պըրպենքի Հայ Դատի յանձնախումբի կազմակերպութեամբ տեղի ունեցաւ Ս. Ծնունդին նուիրուած ընկերային հաւաք մը, որ առիթ հանդիսացաւ լուսարձակի տակ առնելու անցեալ տարուան շարք մը իրագործումները։

Տարեկան աւանդութեան մը վերածուած այս տօնակատարութեան մասնակցեցան նաեւ շարք մը պետական պաշտօնատարներ։

Պըրպենքի Հայ Դատի յանձնախումբի վարչութեան ատենապետ Սիլվա Քէշիշեան բարի գալուստ մաղթեց հաւաքին մասնակիցներուն, իսկ անցեալ տարուան իրագործումներուն, ինչպէս նաեւ յառաջիկայ ծրագիրներու մասին մանրամասնութիւններ փոխանցեց Պըրպենքի Հայ Դատի յանձնախումբի համահիմնադիրներէն՝ Կարէն Եղբայրեանը, շեշտը դնելով յատկապէս համայնքին տարբեր հատուածներուն հետ յարաբերութիւններ սերտացնելու եւ քաղաքական կեանքին մէջ հայութեան աւելի գործօն դերակատարութիւն ապահովելու ջանքերուն վրայ։

Հաւաքին ներկայ պետական պաշտօնատարներուն շարքին էին Պըրպենքի փոխքաղաքապետ Շերըն Սփրինկըր, Պըրպենքի քաղաքապետական խորհուրդի անդամ Պապ Ֆրութոս, Կլենտէյլի քաղաքապետ Զարեհ Սինանեան, Կլենտէյլի քաղաքապետական խորհուրդի անդամ Փօլա Տիվայն, Պըրպենքի նախկին քաղաքապետ Մարշա Ռամոս, Պըրպենքի կրթաշրջանի վարչութեան անդամ Արմոնտ Աղախանեան, քաղաքի քարտուղար Զիզեթ Մալինզ, գանձապետ Տեպի Քուքթա, ոստիկանապետ Սքաթ ԼաՉէյս եւ ոստիկանական յանձնաժողովի անդամ Յակոբ Հերկէլեան, Պըրպենքի Հայ մշակութային հիմնարկութեան ատենապետ Վիգէն Պապիկեան եւ նոյն մարմինի վարչութեան անդամ Անդրանիկ Չարշաֆեան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top