Ցեղասպանութեան Դասաւանդման Ծրագիրը Քալիֆորնիոյ Համար Հայոց Ցեղասպանութեան Դասաւանդման Բարեփոխուած Նիւթեր Կը Պատրաստէ

0000new_gened_logo

0000new_gened_logo

ՍԱՆ ՖՐԱՆՍԻՍՔՕ.- Ցեղասպանութեան դասաւանդման ծրագիրը (GenEd) կը տեղեկացնէ, թէ մօտէն կը համագործակցի Քալիֆորնիոյ նահանգային կրթական մարմիններուն հետ, անցեալ տարի վաւերացուած պատմութեան եւ ընկերային ուսմանց դասաւանդման նոր համակարգին համահունչ՝ Հայոց Ցեղասպանութեան դասաւանդման բարեփոխուած նիւթեր պատրաստելու համար։

Նաեւ, Քալիֆորնիոյ նահանգային կրթական մարմիններուն հետ համագործակցաբար, Ցեղասպանութեան դասաւանդման ծրագիրը Յունիսին պիտի իրականացնէ ուսուցիչներու յատուկ երկու աշխատանիստեր, որոնց կրնան յաջորդել յաւելեալ աշխատանիստեր, Քալիֆորնիոյ տարածքին։

Միւս կողմէ, Ցեղասպանութեան դասաւանդման ծրագիրը Դեկտեմբերին հանդիպում մը ունեցաւ Հարաւային Քալիֆորնիոյ համալսարանին մէջ հաստատուած «Շօա» հիմնարկի պատասխանատուներուն հետ՝ քննարկելով հիմնարկին արխիւներուն մէջ գտնուող եւ Ճ. Մայքըլ Յակոբեանի արձանագրած Հայոց Ցեղասպանութենէն վերապրողներու վկայութիւնները վարժարաններուն մէջ լաւապէս օգտագործելու կարելիութիւնները։

GenEd_USC Shoah_12/18

Պահ մը «Շօա» հիմնարկի ներկայացուցիչներու հետ խորհրդակցութիւններէն

 

Նաեւ, նկատի ունենալով, որ անցեալ տարի Թեքսասի նահանգային կրթական վարչութիւնը որոշած էր երկրորդական վարժարաններու դասաւանդութեանց մէջ ցեղասպանութիւններու օրինակներէն մէկը դասել Հայոց Ցեղասպանութիւնը, Ցեղասպանութեան դասաւանդման ծրագիրը այդ նահանգին մէջ եւս աշխատանիստ մը իրականացուց Հիւսթընի մէջ, որուն շնորհիւ նահանգին տարբեր շրջաններէն ժամանած շարք մը ուսուցիչներ ծանօթացան Հայոց Ցեղասպանութեան դասաւանդման միջոցներուն:

Նշենք, որ այս բարեփոխումը իրականացած էր Ցեղասպանութեան դասաւանդման ծրագիրին եւ Թեքսասի Հիւսթըն, Տալաս ու Օսթըն քաղաքներու հայ համայնքներու միացեալ ջանքերուն շնորհիւ։

Ցեղասպանութեան դասաւանդման ծրագիրը նաեւ կը տեղեկացնէ, թէ անցեալ տարուան ընթացքին Հայոց Ցեղասպանութեան դասաւանդման մասին աշխատանիստեր եւ այլ ներկայացումներ իրականացուց նաեւ Քալիֆորնիայէն, Քընեքթիքեթէն, Միշիկընէն, Նիւ Ճըրզիէն եւ Իլինոյէն հարիւրաւոր ուսուցիչներու համար։

 

GenEd_10 Stages_TCSS 2018

Կեսարան մը Թեքսասի աշխատանիստէն

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top