Առաջնորդ Մուշեղ Արք. Մարտիրոսեան Ընդունեց Լիբանանի Թեմի Ազգային Վարչութեան Ատենապետին Այցը

0000leb prlt2

0000leb prlt2

ԼԱ ՔՐԵՍԵՆԹԱ.- Արեւմտեան թեմի առաջնորդ Մուշեղ արք. Մարտիրոսեան Ուրբաթ, 11 Յունուրարի յետմիջօրէին, Ազգային առաջնորդարանի իր գրասենեակին մէջ ընդունեց այցելութիւնը Լիբանանի թեմի Ազգային վարչութեան ատենապետ Րաֆֆի Սիսլեանի այցելութիւնը։

Հանդիպումին ներկայ եղան Ազգային Կեդրոնական վարչութեան անդամ Կայծակ Զէյթլեան եւ Արեւմտեան թեմի Ազգային վարչութեան ատենապետ Կարօ Էշկիեան։

Այցելութիւնը առիթ եղաւ միջթեմական գործակցութեան շուրջ խորհրդակցութեան։ Առաջնորդ սրբազանը եւ ատենապետ Սիսլեան ընդհանուր գիծերու մէջ տեղեկութիւններ հաղորդեցին Ազգային առաջնորդարանի հովանիին տակ գործող եկեղեցիներու, ազգային վարժարաններու եւ յարակից միաւորներու աշխատանքի դաշտերուն, ինչպէս նաեւ գաղութի հայկական միաւորներուն հետ գործակցական յարաբերութեանց մասին, միաժամանակ որոշ ծանօթութիւն տալով յառաջիկայ ծրագիրներու մասին։

Յարգելի հիւրը նաեւ խօսեցաւ Լիբանանի թեմի դիմագրաւած հարցերուն ու մարտահրաւէրներուն մասին։

Նկատուեցաւ, որ սփիւռքեան պայմաններուն մէջ կան հասարակաց հարցեր ու մարտահրաւէրներ, որոնք կը կարօտին համագործակցութեան ու համատեղ աշխատանքի։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top