Լաս Վեկասի Ս. Կարապետ Եկեղեցւոյ Անուանակոչութեան Տօնակատարութիւն

0000LasVegasChurch

0000LasVegasChurch

ԼԱՍ ՎԵԿԱՍ.- Արեւմտեան թեմի առաջնորդ Մուշեղ արք. Մարտիրոսեան շաբաթավերջին պիտի այցելէ Լաս Վեկասի ծխական համայնքը, նախագահելու համար Ս. Կարապետ եկեղեցւոյ անուանակոչութեան տօնակատարութիւնը։

Յիշեցնենք, որ 14 Յունուարին, մեր եկեղեցին նշեց Ս. Յովհաննու Կարապետի տօնը. այս առիթով, Կիրակի, 13 Յունուարին, առաջնորդ սրբազանը նախագահեց Հոլիվուտի Ս. Կարապետ Մայր եկեղեցւոյ անուանակոչութեան տօնակատարութիւնը։

Տօնակատարութիւնը պիտի սկսի Շաբաթ, 19 Յունուարի երեկոյեան, հերիսայի պատրաստութեամբ եւ ճաշկերոյթով, որ տեղի պիտի ունենայ եկեղեցւոյ կից «Գուճաքեան» սրահին մէջ։ Առաջնորդ սրբազանը պիտի կատարէ աղի օրհնութիւնը, ապա պիտի նախագահէ ճաշկերոյթին։ Երեկոն պիտի խանդավառէ ծանօթ երգիչ Նշան Ջաղացպանեան։

Կիրակի օր, առաջնորդ սրբազանը Ս. պատարագ պիտի մատուցանէ, իր պատգամը պիտի ուղղէ եւ մատաղի օրհնութիւն պիտի կատարէ Ս. Կարապետ եկեղեցւոյ մէջ, որմէ ետք, ծխական յանձնախումբը կազմակերպած է սիրոյ ճաշ։

Առաջնորդ սրբազանին այս այցելութիւնը նաեւ առիթ պիտի ծառայէ խորհրդակցութիւն ունենալու հոգեւոր հովիւին ու ծխական յանձնախումբին հետ եկեղեցւոյ ու համայնքին անմիջական հարցերուն շուրջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top