Թրքական Պատուիրակութիւն Մը Ֆրեզնօ Բերելու Ձախողած Ծրագիրին Նախաձեռնողը Ցեղասպանութիւնը Ուրացող Մըն Է

0117baib

0117baib

ԼՈՍ ԱՆՃԵԼԸՍ.- Ինչպէս հաղորդած էինք, ուտեստեղէնի մարզը ներկայացնող թրքական պատուիրակութիւն մը Քալիֆորնիա բերելով նահանգին գործարարներուն հետ յարաբերութիւնները սերտացնելու ջանքը փախողութեան մատնուած էր Ֆրեզնոյի մէջ, երբ Ֆրեզնոյի Առեւտուրի գրասենեակը, Ֆրեզնօ գաւառի տնտեսական զարգացման հաստատութիւնը եւ Ֆրեզնօ գաւառի Հողագործական գրասենեակը մերժեցին հանդիպիլ 14 ընկերութիւններ ներկայացնող պատուիրակութեան հետ, անսալով Ֆրեզնոյի մօտ Հայաստանի պատուոյ հիւպատոս Պերճ Աբգարեանի եւ Ֆրեզնոյի Հայ Դատի յանձնախումբի կոչերուն։

Արեւմտեան Ամերիկայի Հայ Դատի յանձնախումբը կը տեղեկացնէ, թէ այս որոշումին հակադարձելով, այցելութիւնը կազմակերպած եւ Ըրվայն հաստատուած «Թրելոթեքս» հաստատութեան նախագահ Կիւրխան Սուզեր յօդուած մը ղրկած է «GV Wire» լրատուական կայքին, կրկնելով Հայոց Ցեղասպանութիւնը ուրանալու Անգարայի պնդումները, նոյն ժամանակ պնդելով, որ «թուրքերը հայերուն նման ատելութիւն չեն հրահրեր»։

Արեւմտեան Ամերիկայի Հայ Դատի յանձնախումբը դատապարտած է Սուզերի յօդուածը եւ պատմութիւնը խեղաթիւրելու անոր փորձերը, յիշեցնելով, որ Հայոց Ցեղասպանութենէն վերապրածներէն շատեր հաստատուած էին նոյնինքն Ֆրեզնօ քաղաքին մէջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top