Նախագահ Արմէն Սարգսեանի Պաշտօնական Այցելութիւնը Արաբական Միացեալ Էմիրութիւններ Հասաւ Իր Աւարտին

0119armensarkissian

0119armensarkissian

Պաշտօնական այցելութեամբ Արաբական Միացեալ Էմիրութիւններ գտնուող Հայաստանի Հանրապետութեան նախագահ Արմէն Սարգսեան եւ տիկին Սարգսեան Ուրբաթ օր այցելեցին ԱՄԷի մէջ գտնուող Հայաստանի դեսպանութիւն:

Ըստ Հայաստանի նախագահի աշխատակազմի հասարակայնութեան հետ կապերու վարչութեան փոխանցած տեղեկութիւններուն՝ Հանրապետութեան նախագահը ծառ տնկեց դեսպանատան բակին մէջ:

Հայաստանի նախագահին՝ Արաբական Միացեալ Էմիրութիւններ այցելութիւնը իր աւարտին հասաւ ԱՄԷի հիմնադիր նախագահ՝ շէյխ Զայէտի անուան Մեծ մզկիթ այցելութեամբ:

Հայաստանի նախագահը՝ մզկիթին մէջ գտնուող դամբարանին մէջ յարգանքի տուրք մատուցեց շէյխ Զայէտ պըն Սուլթան Ալ Նահեանի յիշատակին: Սարգսեան նաեւ արձանագրութիւն կատարեց Պատուաւոր հիւրերու գիրքին մէջ եւ նուիրեց «Ցուցակ Մատենադարանի Ձեռագիր Ղուրաններու» գիրքը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top