Սերգէյ Փարաճանովի Անուան Մրցանակաբաշխութիւն Վրաստանի ՄԷջ

0000VRASDAN1

0000VRASDAN1

Վիրահայերու միութեան նախաձեռնութեամբ, Վրաստանի արդարադատութեան նախարարութեան ազգային արխիւի ֆիլմի սրահին մէջ 15 Յունուարին տեղի ունեցաւ Սերգէյ Փարաճանովի անուան աւանդական մրցոյթի մրցանակաբշխութեան հանդիսաւոր արարողութիւնը:

Վիրահայերու միութեան ղեկավար Մարի Առաքելովան «Հայերն Այսօր»ին յայտնեց, թէ Դեկտեմբեր 2018ին յայտարարուած էր Փարաջանովի անուան ստեղծագործական մրցոյթի մեկնարկը եւ ընտրուած էր 19 մասնակից: Դատակազմի որոշումով յաղթող  ճանչցուեցաւ Սոփիօ Քիզիղուրաշվիլիի «Մետուզաներու Պարը», երկրորդ տեղը գրաւեց Իւլա Չատունելիի «Փօէթի Մուսան» եւ երրորդ տեղը՝ Հրաչիկ Մերիշաւեանի «Փարաճանովի Թռիչքը Դէպի Անհուն» գործերը:

Հանդիսաւոր արարողութեան ընթացքին ցուցադրուեցաւ Փարաճանովի «Արապեսքներ Փիրոսմանիի Թեմաներով» ֆիլմը:

Ձեռնարկին ներկայ գտնուեցաւ Վրաստանի մօտ Ուքրանիոյ արտակարգ եւ լիազօր դեսպան Իգոր Տալքով, առաջին խորհրդական Թաթեանա Կովփաք, Վրաստանի մօտ Հայաստանի դեսպանութեան առաջին խորհրդական Արթուր Սարգսեան, Վրաստանի խորհրդարանի անդամ Ռուսլան Պօղոսեան, Հայաստանէն՝ Իտա Մարութեան, Երեւանի Երիտասարդական կեդրոնի ղեկավար Նարէ Արամեան, նկարիչ Գագիկ Դիլաքեան՝ Նիւ Եորքէն, որ իր աշխատանքը նուիրեց մրցոյթին:

Ներկայ էր նաեւ ձեռնարկին ցուցադրուած ֆիլմի ձայնային համակարգող Միխայիլ Ինասարիձէ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top