Հայաստանի Կրթութեան Նախարարը ՀԲԸՄի Մանուկեան-Տեմիրճեան Վարժարան Այցելեց

0000ArayigDMHS

 

0000ArayigDMHS

ՔԱՆՈԿԱ ՓԱՐՔ, «Նոր Օր».- Չորեքշաբթի, 16 Յունուարին, ՀԲԸՄ Մանուկեան-Տեմիրճեան վարժարան այցելեց Հայաստանի կրթութեան եւ գիտութեան նախարարի պաշտօնակատար Արայիկ Յարութիւնեան, ընկերակցութեամբ Ամերիկահայ ճարտարագէտներու եւ գիտնականներու ընկերակցութեան նախագահ Ճան Շիրաճեանի, ընկերակցութեան Հայաստանի ներկայացուցիչ դոկտ. Վարդան Գէորգեանի եւ Երեւանի Պոլիտեխնիկական համալսարանի Շրջանաւարտից միութեան նախագահ Ժիրայր Աբրահամեանի:

Նախարարը դիմաւորուեցաւ ՀԲԸՄի Արեւմտեան Ամերիկայի Շրջանակային յանձնաժողովի ատենապետ Թալին Եագուպեանի, վարժարանի հոգաբարձական կազմի ատենապետ Գէորգ Զօրեանի, հոգաբարձական կազմի անդամ Ալիս Չաքրեանի, վարժարանի կրթական մարմինի ատենապետ Վահէ Մարգարեանի, տնօրէնուհի Արփի Աւանէսեանի, փոխտնօրէնուհի Անահիտ Նալպանտեանի եւ Հայերէնի բաժանմունքին կողմէ:

Ջերմ հանդիպումը առիթ հանդիսացաւ զրուցելու նոր Հայաստանի դիմագրաւած նոր հարցերուն եւ յաջողութիւններուն, սփիւռքի նախարարութեան աշխատանքը փոխարինելու եկող նոր մարմիններուն մասին, ինչպէս՝ կրթութեան եւ գիտութեան նախարարութիւնը, որ այսուհետեւ կարեւոր դեր պիտի ստանձնէ այս առումով:

Նախարար Յարութիւնեան կարեւոր համարեց Սփիւռքի ներուժը եւ պատրաստակամութիւն յայտնեց օժանդակելու եւ գործակցելու: Ան շեշտեց դպրոցներուն կարեւոր դերը, որակեալ բարձրագոյն կրթութիւն ստանալը պայման սեպելով համայն հայութեան համար:

Հիւրերը, տնօրէնութեան գլխաւորութեամբ, որոնց միացաւ նաեւ նախամանկապարտէզի տնօրէնուհի Թագուշ Խոդաբախշեան, այցելեցին տարբեր տարիքի դասարաններ, զրուցեցին ուսուցիչներու եւ աշակերտներու հետ եւ ծանօթացան վարժարանի արդիական պայմաններուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top