Հայաստանի Պաշտպանութեան Նախարարը Կը Հանդիպի Ռուս Պաշտօնակիցին Հետ

0209shoygu2

 

0209shoygu2

ՄՈՍԿՈՒԱ, «Ռազմինֆօ».- Հայաստանի պաշտպանութեան նախարար Դաւիթ Տօնոյեան Ուրբաթ, 8 Փետրուարին Մոսկուայի մէջ հանդիպում ունեցաւ Ռուսիոյ պաշտպանութեան նախարար, բանակի զօրավար Սերկէյ Շոյկույի հետ: Հանդիպման ընթացքին քննարկուեցան ռազմական արհեստագիտութեան ոլորտին մէջ համագործակցութեան վերաբերող հարցեր:

Ռուսիոյ պաշտպանութեան նախարարը շնորհաւորեց Դաւիթ Տօնոյեանը Հայաստանի պաշտպանութեան նախարարի պաշտօնը ստանձնելուն առիթով եւ ընդգծեց, որ Հայաստան Ռուսիոյ յուսալի դաշնակիցը եւ կարեւոր գործընկերն է Հարաւային Կովկասի մէջ:

«Ցանկանում եմ երախտագիտութիւն յայտնել Սիրիայում ցուցաբերուած հումանիտար (մարդասիրական-Խմբ.) օգնութեան համար: Դուք առաջինը արձագանգեցիք մեր կոչին՝ աջակցել Սիրիայում խաղաղ բնակչութեանը», Տօնոյեանին ըսաւ զօրավար Շոյկու:

Հայաստանի պաշտպանութեան նախարար Դաւիթ Տօնոյեան, իր կարգին, շնորհակալութիւն յայտնեց ռուսական կողմին Սուրիոյ տրամադրուող մարդասիրական օգնութեան հարցին գծով համագործակցութեան համար:

«Կարեւոր է մեր աջակցութիւնը սիրիացի ժողովրդին, որի մի մասն է Հայկական Սփիւռքը», ըսաւ Տօնոյեան:

Հանդիպման ընթացքին Հայաստանի եւ Ռուսիոյ պաշտպանական գերատեսչութիւններու ղեկավարները քննարկեցին ռազմական համագործակցութեան հարցեր, որոնց շարքին՝ Հայաստանի զինուած ուժերու կանխարգելիչ գերակայութիւնը ապահովող նորագոյն եւ ճշգրիտ զինատեսակներով համալրելուն վերաբերեալ հարցեր: Քննարկուեցան նաեւ մարտական պատրաստութեան մակարդակի բարձրացման ուղղուած համատեղ ծրագիրներ:

Յիշեցնենք, որ նախորդ օրը, նախարար Տօնոյեան հանդիպած էր նաեւ Ռուսիոյ ռազմական արհեստագիտութեանց համագործակցութեան դաշնակցային ծառայութեան տնօրէն Տմիթրի Շուկաեւի հետ:

Նախարար Տօնոյեան հայ-ռուսական ռազմական արհեստագիտութեան ոլորտին մէջ համագործակցութեան օրակարգը քննարկեց նաեւ Ռուսիոյ արդիւնաբերութեան եւ առեւտուրի նախարար Տենիս Մանտուրովի հետ:

Նախարար Մանտուրով գոհունակութիւն յայտնեց համատեղ ծրագիրներու իրականացման բարձր մակարդակին եւ երկկողմ համագործակցութեան համար: Դաւիթ Տօնոյեան շեշտեց, որ պէտք է աւելի խորացնել ձեռքբերումները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top