Մայր Աթոռը Բնակարաններ Պիտի Յանձնէ Անօթեւան 10 Ընտանիքներու

ԷՋՄԻԱԾԻՆ.- Մայր Աթոռի ընկերային ծառայութեան նախաձեռնութեամբ՝ Սպիտակի եւ Գիւմրիի մէջ 10 անօթեւան ընտանիքներ պիտի ստանան բնակարաններ: Նախաձեռնութիւնը կ՛իրականացուի Հայ առաքելական սուրբ եկեղեցւոյ թեմերու նիւթական աջակցութեամբ:

Մայր աթոռի ընկերային ծառայութեան գրասենեակի ղեկավար Մարկոս քհնյ. Մանգասարեան կը տեղեկացնէ, թէ ընտանիքներուն ընտրութիւնը կատարուած է՝ ըստ առաջնահերթութեան:

«Նկատի առնուած է այն հանգամանքը, որ այս ընտանիքները մինչ այս երբեք որեւէ կազմակերպութեան կողմէ բնակարանի փոխհատուցում կամ բնակարան չեն ստացած: Բնակարանները գնելու ատեն բկատի առած ենք նաեւ ընտանիքներուն կարծիքը», բացատրեց Մարկոս քհնյ. Մանգասարեան:

Ըստ «Արմէնփրէս»ի՝ ծրագիրը արդէն իսկ աւարտական փուլին մէջ է. ընտրուած են ընտանիքները եւ գնուած են տուները: Յետագային նշեալ ընտանիքներուն պիտի տրամադրուին տուներուն վկայականները: Մինչ այդ, կարգ մը ընտանիքներ արդէն կը բնակին այդ բնակարաններուն մէջ: Իբրեւ պարտադիր պայման՝ շահառուները կը հրաժարին տնակէն, եւ այդ տնակը կը քանդուի: Բնակարանները նուէր են՝ սեփականութեան իրաւունքով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top