Վարչապետը Մասնակցեցաւ Տարածքային Կառավարման Եւ Զարգացման Նուիրուած Համաժողովին

0212regionalgov

0212regionalgov

ԵՐԵՒԱՆ.- Հանրապետութեան վարչապետ Նիկոլ Փաշինեան, կառավարութեան նիստերու մեծ դահլիճին մէջ մասնակցեցաւ «Պետութիւն-համայնք համագործակցութեան նոր ձեւաչափ. ենթակառուցուածքներու զարգացում» խորագիրով համաժողովին:

Վարչապետի աշխատակազմի տեղեկատուութեան եւ հասարակայնութեան հետ կապերու վարչութենէն կը տեղեկացնեն, թէ համաժողովին մասնակցեցան մարզպետները, մարզպետարաններու պատասխանատուներ, համայնքներու ղեկավարներ, համայնքներու տնտեսական զարգացման հարցերու պատասխանատուներ եւ ՄԱԿի Զարգացման ծրագիրի հայաստանեան գրասենեակի ներկայացուցիչներ:

Նիկոլ Փաշինեան իր ելոյթին մէջ անդրադարձաւ տարածքային կառավարման եւ զարգացման ոլորտին մէջ կառավարութեան առաջնահերթութիւններուն:

Վարչապետը, ողջունելով համաժողովը՝ նշեց, որ Հայաստանի Հանրապետութեան կայուն զարգացման գրաւականը մեր համայնքներու ընկերային-տնտեսական զարգացումն է: Ան ընդգծեց, որ համայնքներուն մէջ բազմաթիւ են կուտակուած հարցերը, որոնց լուծման համար կը պահանջուի սրտացաւ եւ ամէնօրեայ աշխատանք, բայց նախ կարեւոր է արձանագրել այն յարաչափերը, որոնց ծիրին մէջ կը պատկերացնենք այդ ամէնօրեայ եւ սրտացաւ աշխատանքը:

Համաժողովին ընթացքին կը քննարկուին համայնքներու տնտեսական եւ ընկերային ենթակառուցուածքներու զարգացման հեռանկարները, նպաստի տրամադրման նոր կարգը, այդ գործընթացին մէջ ՄԱԿի Զարգացման ծրագիրի հայաստանեան գրասենեակի հնարաւոր աջակցութիւնը եւ օրակարգային այլ հարցեր:

Հայաստանի կառավարութեան կողմէ իրականացուող համայնքներու տնտեսական եւ ընկերային ենթակառուցուածքներու զարգացման ուղղուած նպաստի ծրագիրը համայնք-պետութիւն հորիզոնական համագործակցութեան նոր ձեւաչափ է, որ կ՛ենթադրէ համայնքին կողմէ հիմնական որեւէ ծրագիր ներկայացուելու եւ կառավարութեան կողմէ դրական եզրակացութիւն ստանալու պարագային, այդ ծրագիրի ծախսին մէկ մասի համաֆինանսաւորում պետական պիւտճէի միջոցներով: Պայմանաւորուած յստակ ծրագիրի ոլորտին մէջ, առանձնայատկութեամբ, աշխարհագրական դիրքով, ինչպէս նաեւ տուեալ համայնքի ընկերային-տնտեսական իրավիճակին վրայ այդ ծրագիրին ազդեցութեամբ՝ պետական պիւտճէէն կը համաֆինանսաւորուի համայնքներու ենթակառուցուածքներու զարգացման ուղղուած նպաստի ծրագիրներու ընդհանուր ծախսին 30-70 տոկոսի չափով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top