Ռուսիոյ Պաշտպանութեան Նախարարը Անգարա Կ՛այցելէ

0212trk rus

0212trk rus

ԱՆԳԱՐԱ, «Ռոյթըրզ».- Ռուսիոյ պաշտպանութեան նախարար Սերկէյ Շոյկու իր թուրք պաշտօնակիցին հետ հանդիպելու նպատակով, 11 Փետրուարին այցելեց Անգարա: Անդրադառնալով 14 Փետրուարին տեղի ունենալիք եւ Սուրիոյ տագնապին նուիրուած՝ Փութին-Էրտողան-Ռոհանի հանդիպման՝ Շոյկու յոյս յայտնեց, որ այդ հանդիպումէն առաջ կողմերը կը յաջողին համակարգել Սուրիոյ մէջ իրենց գործողութիւնները:

Շոյկու նաեւ ընդգծեց, որ ռազմական ոլորտի ռուս եւ թուրք մասնագէտները Մոսկուայի մէջ վերջերս քննարկած են Իտլիպի մէջ լարուածութեան մեղմացման եւ Եփրատ գետի արեւելեան շրջանին մէջ իրավիճակի կայունացման հարցերը:

Իր կարգին, Թուրքիոյ պաշտպանութեան նախարար Հուլուսի Աքար նշեց, որ Շոյկույի հետ իր հանդիպումը, ըստ էութեան, ռուս նախարարին նշած քննարկումներուն տրամաբանական շարունակութիւնն էին եւ մաս կը կազմեն վերոյիշեալ եռակողմանի հանդիպման նախապատրաստական աշխատանքներուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top