Երեւանի Մէջ 50 Աշխատատեղերով Եւ 130 Սենեակներով Հիւրանոց Մը Բացուեցաւ

0216holidayinn

0216holidayinn

ԵՐԵՒԱՆ.- Վարչապետ Նիկոլ Փաշինեան Երեւանի մէջ ներկայ գտնուեցաւ աշխարհահռչակ IHG հիւրանոցներու ցանցի «Հոլիտէյ Ինն Էքսփրէս» հիւրանոցի բացման արարողութեան, կը յայտնէ Հայաստանի կառավարութեան մամլոյ ծառայութիւնը:

Ներդրումը կատարած է «Հարմոնի Ինթերնեշընըլ»ի հիմնադիր-նախագահ Ղուկաս Գրիգորեան: Հիւրանոցի կառուցման աշխատանքները տեւած են երեք տարի, կատարուած է տասնեակ մը միլիոն տոլարի ներդրում, եւ ստեղծուած է 50 նոր աշխատատեղ:

Կառավարութեան ղեկավարը ծանօթացաւ հիւրանոցի աշխատանքներուն եւ ստեղծուած պայմաններուն: Փաշինեան ողջունեց ծրագիրի իրականացումը եւ ընդհանրապէս Հայաստանի մէջ նոր հիւրանոցներու կառուցման նախաձեռնութիւնները, որոնք զբօսաշրջիկներուն կը մատուցեն բարձր որակի ծառայութիւններ եւ յարմարաւէտ պայմաններ:

Տնտեսական զարգացման եւ ներդրումներու նախարար Տիգրան Խաչատրեան, իր հերթին տեղեկացուց, որ 2018ին Հայաստան ժամանած զբօսաշրջիկներու թիւը հասած է 1.6 միլիոնի եւ գործադիրին նպատակն է այդ ոլորտին մէջ ապահովել տարեկան 7-10 տոկոսի աճ:

«Հոլիտէյ Ինն Էքսփրէս» հիւրանոցը ունի 130 սենեակներ եւ հանդիպումներու սրահ մը: Նախասրահը յագեցած է համակարգիչներով, յարմարաւէտ նստատեղերով, լիցքաւորող սարքերով եւ գերարագ Wi-Fi-ով:

Կառավարութեան ղեկավարը Երեւանի քաղաքապետ Հայկ Մարութեանի ուղեկցութեամբ շրջեցաւ Երեւանի Գլխաւոր պողոտայի այգիին մէջ եւ ծանօթացաւ այստեղ կատարուող վերակառուցման աշխատանքներուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top