Փաշինեան 1 Մարտին Երթի Կը Հրաւիրէ Ժողովուրդը

0222nikol

0222nikolՀայաստանի Հանրապետութեան վարչապետ Նիկոլ Փաշինեան քաղաքացիները կը հրաւիրէ 1 Մարտին քաղաքացիական հզօր երթով շարժիլ Ազատութեան հրապարակէն դէպի Մեասնիկեանի արձան: Այս մասին այն յայտնեց  «Ֆէյսպուք»էն, ուղիղ եթերով:

«Այս տարի կը լրանայ այդ օրուան իրադարձութիւններու 11րդ տարելիցը: Երթ ընելու որոշումը տուած ենք քննարկումներու հիման վրայ: Այս երթը նուիրուած պիտի ըլլայ Հայաստանի քաղաքացիի յաղթանակին՝ ընդդէմ ընտրակեղծիքներու, բռնութեան, կաշառակերութեան եւ ապօրինութիւններու: Երթը պիտի նշանաւորէ այն հանգրուանը, որ Հայաստանի մէջ քաղաքացիի յաղթանակը եւ իշխանութիւնը անշրջելի են: Հայաստանի մէջ այլեւս պիտի չըլլան ընտրակեղծիքներ, մենք յստակօրէն դէմ կը կանգնինք բռնութեան ընդհանրապէս, ինչպէս նաեւ քաղաքական բռնութեան, կաշառակերութեան եւ ապօրինութիւններուն», ընդգծեց ան:

Ան յայտնեց, որ այդ օրը նաեւ յարգանքի տուրք պիտի մատուցուի 1 Մարտ 2008ի 10 զոհերուն եւ ընդհանրապէս քաղաքական բռնութեան բոլոր զոհերուն յիշատակին: «Այսպիսով, 1 Մարտ 2019ին, երեկոյեան ժամը 6:30ին, բոլորդ կը հրաւիրեմ Ազատութեան հրապարակ, այնտեղէն իրականացնելու քաղաքացիական երթ դէպի Մեասնիկեանի արձան՝ 1 Մարտ 2008ի իրադարձութիւններուն առիթով: Այդ օրը ես նաեւ մտադիր եմ ուղերձով դիմելու ժողովուրդին: 1 Մարտին պէտք է ի ցոյց դնենք մեր վճռականութիւնը, նուիրուածութիւնը Հայաստանի մէջ ժողովրդավարութեան եւ ժողովուրդի իշխանութեան», եզրափակեց Փաշինեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top