Սուրիայէն Եւ Իրաքէն Փախած Ահաբեկիչները Նոր Ցանց Հիմնած Են Աֆղանիստանի Մէջ. Նովիքով

0221Novikov

0221Novikov

ՄՈՍԿՈՒԱ, «ՌԻԱ Նովոսթի».- Սուրիայէն եւ Իրաքէն փախուստ տուած «Իսլամական պետութիւն» ահաբեկչական կազմակերպութեան անդամ զինեալները ահաբեկչական նոր ցանց մը հիմնած են Աֆղանիստանի մէջ, որ նոր սպառնալիք մըն է ամբողջ Կեդրոնական Ասիոյ համար, յայտարարեց ԱՊՀի հակաահաբեկչական կեդրոնի ղեկավար Անտրէյ Նովիքով՝ ԱՊՀ անդամ երկիրներու հակաահաբեկչական կեդրոններու ղեկավարներու խորհրդակցութեանց ընթացքին:

Ժողովին կը մասնակցէին ներկայացուցիչներ ԱՊՀի անդամ 9 երկիրներէ, ներառեալ Հայաստանէն:

Ըստ Նովիքովի՝ վերոնշեալ ահաբեկչական նոր ցանցը կրնայ լուրջ վտանգ ներկայացնել նաեւ ԱՊՀի տարածքին մէջ:

«Մեր գործընկերներուն գնահատումով՝ միայն Աֆղանիստանի մէջ առաւել քան 20 ահաբեկչական խմբաւորումներ կը գործեն: Մենք ամբողջապէս կրնանք գնահատել անոնց՝ գաղափարական ու քաղաքական առումով ոչ-միատարր ըլլալը, շահերու հակասութիւնը եւ կապը ընդհանուր է կազմակերպուած յանցագործութեան հետ», ըսաւ Նովիքով:

Ան նկատել տուաւ, որ Սուրիայէն եւ Իրաքէն զինեալներու Աֆղանիստան փոխադրուիլը ակնկալելի էր, եւ այս մասին իրենց կանխատեսումը դժբախտաբար իրականութիւն դարձած է:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top