Եւրոխորհրդարանի Յանձնախումբը Թուրքիոյ Հետ Բանակցութիւնները Կասեցնելու Առաջարկը Վաւերացուց  

0222piri

 

0222piri

ԵՐԵՒԱՆ, «Էրմենիհապեր».- Եւրոպական խոհրդարանի Միջազգային յարաբերութիւններու յանձնախումբը վաւերացուց Թուրքիոյ հետ ընթացող անդամակցութեան բանակցութիւնները պաշտօնապէս առկախելու վերաբերեալ առաջարկը: Առաջարկը մաս կը կազմէր Եւրոպական խորհրդարանի Թուրքիոյ հարցերով զեկուցող Քեթի Փիրիի նորագոյն տեղեկագիրին, որ 7ի դէմ 40 քուէներով վաւերացուեցաւ։ 10 խորհրդարանականներ ձեռնպահ մնացին:

Թուրքիոյ մասին իր նորագոյն զեկոյցին մէջ, Փիրի Թուրքիոյ կառավարման համակարգը Կ՛անուանէ «բացայայտ մենատիրական»: Ըստ անոր՝ Թուրքիոյ մէջ ժողովրդավարութիւնը վտանգի տակ է եւ շարունակաբար կ՛ոտնակոխուին մարդկային իրաւունքները: Ան կը յիշեցնէ, որ Թուրքիոյ մէջ բանտարկուած կը մնան տասնեակ հազարաւոր քաղաքացներ, ներառեալ՝ իրաւապաշտպաններ, լրագրողներ եւ քաղաքական գործիչներ:

«Թուրքիա՝ իբրեւ Եւրոպական Միութեան անդամակցութեան թեկնածու, արդէն անցած է կարմիր գիծերը եւ ատիկա քաղաքական հետեւանք պիտի ունենայ», քուարկութենէն առաջ արտասանած իր խօսքին մէջ շեշտեց Եւրոպական խորհրդարանի պատգամաւորը:

Քուէարկութենէն ետք, Փիրի ուշադրութիւն հրաւիրեց Թուրքիոյ ներքաղաքական կեանքին մէջ տեղի ունեցող իրադարձութիւններուն վրայ: Փիրի յիշատակեց նաեւ Հայոց Ցեղասպանութիւնը ճանչցած եւ այժմ թրքական բանտին մէջ գտնուող Օսման Քաւալայի պարագան, որ երկար ժամանակ առանց պաշտօնապէս ամբաստանուելու բանտարկուած մնացած է:

Եւրոպական խորհրդարանը իր Մարտի լիագումար նիստին պիտի անդրադառնայ Միջազգային յարաբերութիւններու յանձնախումբին վաւերացուցած այս առաջարկին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top