Սրբապղծութեան Հերթական Օրինակ

0208batman

0208batman

ՊՈԼԻՍ, «Ակօս».- Թուրքիոյ ամենատարածուն չարագործութիւններէն մէկն է գերեզմաններու կողոպուտը: Անցեալին յաճախ անդրադարձած ենք երկրին այս կամ այն անկիւնը, իբրեւ թէ հայերու կողմէ թաղուած գանձերը գտնելու համար կատարուած սրբապղծութեան զանազան օրինակներու: Նոյնիսկ պետական պաշտօնեաներ ներքաշուած են այդ չարագործութեան մէջ եւ հետզհետէ գոյացած են գանձախոյզերու կազմակերպութիւններ: Այդ կազմակերպութիւնները նոյնիսկ կը յանդգնին իրենց գործի նրբութիւնները ծանօթացնող պարբերականներ հրատարակել:

Սրբապղծութեան նորագոյն օրինակը կու գայ Պաթմանի մերձակայ Չիներա գիւղէն, ուր տեղի ունեցաւ խիստ անմարդկային կողոպուտի փորձ մը: Գիւղացիներ շուներու հաչոցէն անդրադառնալով՝ գացած են մօտակայ գերեզման ու տեսած, թէ բացուած է շիրիմ մը, ուր 15 տարի առաջ թաղուած էր երիտասարդուհի մը՝ Սարա Կիր: Սարա եզիտի մըն էր, որ մահացած էր Գերմանիոյ մէջ եւ ընտանիքը անոր դին փոխադրած էին իրենց գիւղը, իրենց կրօնական աւանդոյթներով հողին յանձնելու համար: Չիներա գիւղի բնակիչները սարսափով կը պատմեն պատահածը՝ ըսելով, թէ այս դէպքը ատելութեան եւ ագահութեան հետեւանք է: «Մեր իսլամ դրացիներն ալ խիստ անհանգիստ են կատարուածէն: Ի՞նչ կ՛ուզէին այդ աղջկան շիրիմէն: Պէտք է գիտնային, որ եզիտիները իրենց ննջեցեալները զարդեղէնով, գոհարեղէնով թաղելու սովորոյթ չունին», ըսած է եզիտի գիւղացի մը:

Չիներայի բնակիչները անցեալին գրեթէ ամբողջութեամբ եզիտի եղած են, սակայկն անոնց մեծ մասը, տեղի տալով իրենց դէմ կատարուած հալածանքէն՝ գաղթած է դէպի եւրոպական երկիրներ: Այսօր հազիւ քանի մը եզիտի ընտանիք կը բնակի Չիներայի մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top