Պաքու Դարձեալ Կ՛արգիլէ Ընդդիմութեան Հանրահաւաքը

0222baku
0222baku

19 Յունուարին տեղի ունեցած ընդդիմութեան ցոյցէն տեսարան մը

ԵՐԵՒԱՆ, «Արմէնփրէս».- Ատրպէյճանական լրատուամիջոցներ կը տեղեկացնեն, թէ Պաքուի քաղաքապետարանը մերժած է ընդդիմադիր Ժողովրդավարական ուժերու ազգային խորհուրդին կողմէ 23 Փետրուարին բողոքի հաւաք մը իրականացնելու վերաբերեալ դիմումը: Յունուարի վերջաւորութեան եւս նման ցոյց մը կատարելու դիմումը մերժուած էր։

Երկու պարագաներուն ալ, քաղաքապետարանը մերժումը հիմնաւորած է այն պատրուակով, որ 19 Յունուարին Ժողովրդավարական ուժերու ազգային խորհուրդին կազմակերպած նախորդ հանրահաւաքին ընթացքին օրինական խախտումներ արձանագրուած էին. պնդում մը, որ անհիմն կը նկատուի ընդդիմութեան կողմէ։

Միւս կողմէ, ատրպէյճանցի 10 իրաւապաշտպաններէ եւ անկախ լրագրողներէ կազմուած «Քաղաքական բանտարկեալներու ցանկագրման աշխատանքային խումբ»ը 21 Փետրուարին յայտարարեց, թէ 20 Փետրուարի դրութեամբ Ատրպէյճանի բանտերուն մէջ կան առնուազն 127 քաղաքական բանտարկեալներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top