«Ռիչըրտ Եւ Թինա Գարoլան» Հրատարակչական Հիմնադրամը Սկսած Է Ընդունելու 2019ի Դիմումնագիրները

0000Carloan

0000Carloan

ԱՆԹԻԼԻԱՍ.- «Ռիչըրտ եւ Թինա Գարօլան» հրատարակչական հիմնադրամի դատակազմը կը տեղեկացնէ, թէ բացուած է 2019ի համար նոր գործեր ներկայացնելու շրջանը:

Հիմնադրամը կ՛ընդունի սփիւռքահայ երիտասարդ գրողներու գրական թէ ուսումնասիրական որեւէ նոր, անտիպ կամ գիրքի ձեւին տակ ցարդ չհրատարակուած գործ, դատակազմին կողմէ գնահատուելու եւ ըստ այնմ հրատարակուելու համար:

Գրական, պատմական, բանասիրական, եկեղեցագիտական ու հայ մշակոյթի այլ կալուածները շօշափող հայերէն թէ օտար լեզուներով գրուած գործերը պէտք է դատակազմին ներկայացած ըլլան ամէնէն ուշը մինչեւ 31 Մայիս 2019:

Առաքուած գործերը պէտք է ըլլան՝ մեքենագրուած, երեք օրինակով եւ խտասալիկի վրայ արձանագրուած: Անոնք պէտք է ներկայացուին A4 թուղթի չափով եւ բաղկանան նուազագոյնը 9 պրակէ (144 էջ):

Դատակազմին կողմէ գնահատուած գործերը կ՛արժանանան հրատարակութեան:

«Ռիչըրտ եւ Թինա Գարօլան» հրատարակչական հիմնադրամի նախագահն է Մեծի Տանն Կիլիկիոյ Արամ Ա. կաթողիկոսը: Դատակազմի անդամներն են՝ դոկտ. Զաւէն Մսըրլեան (ատենապետ), դոկտ. Արմէն Իւրնէշլեան, Համբիկ Պիլալեան, Սարգիս Նաճարեան, Յակոբ Լատոյեան եւ Գեղանի Էթիեմէզեան:

Դատակազմի հասցէն է՝ Armenian Catholicosate of Cilicia, P.O. Box 70317, Antelias, Lebanon կամ՝ chancellor@armenianorthodoxchurch.org։

Դատակազմին ուղարկուած գործերը հեղինակին չեն վերադարձուիր:

Դիմողներէն կը խնդրուի յատուկ ուշադրութիւն ցուցաբերել բնագիրի լեզուին եւ ուղղագրութեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top