Ռազմարդիւնաբերութեան Զարգացումը Առաջնահերթ Է Կառավարութեան Համար

0223nikol

0223nikol

ԵՐԵՒԱՆ, «Սիվիլնեթ».- Վարչապետ Նիկոլ Փաշինեանի գլխաւորութեամբ կառավարութեան շէնքին մէջ, Ուրբաթ, 22 Փետրուարին տեղի ունեցաւ Հայաստանի Հանրապետութեան ռազմաարդիւնաբերական յանձնաժողովի նիստը:

Բանալով նիստը՝ վարչապետ Փաշինեան ըսաւ. «Ռազմարդիւնաբերութեան համալիրի զարգացումը մեր կառավարութեան կողմից հռչակուած է որպէս առաջնահերթութիւն, եւ մենք այստեղ պէտք է կարողանանք շատ լուրջ փոփոխութիւնների եւ արդիւնքների հասնել: Սրա համար անհրաժեշտ է, իհարկէ, իրականացնել ե՛ւ կառուցուածքային փոփոխութիւններ, ե՛ւ գտնել հնարաւորութիւններ, որպէսզի ոլորտի ֆինանսաւորումն էական մեծանայ:

Ըստ էութեան՝ ռազմարդիւնաբերական համալիրի զարգացման համար մեզ պէտք է իրականացնել հետեւեալը. անհրաժեշտ է ունենալ մեր գիտական պոտենցիալի (կարողութեան-Խմբ.), մասնաւոր ներդրումների եւ պետական կառավարման համակարգի շատ յստակ աշխատող մեխանիզմ (մեքենակառոյց-Խմբ.), եւ առաջիկայում այս հարցը պէտք է լինի մեր ուշադրութեան կենտրոնում: Իհարկէ, մենք այս համատեքստում ենք դիտարկում նաեւ Հայաստանում բարձր տեխնոլոգիաների (արհեստագիտութեան-Խմբ.) արդիւնաբերութեան նախարարութեան ստեղծումը, որը կարեւոր, բայց ոչ բաւարար պայման է, որպէսզի մենք կարողանանք ոլորտում լուրջ փոփոխութիւնների հասնել: Այստեղ շատ կարեւոր է մեր գիտական ներուժի հետ համագործակցութեան հարցը եւ նաեւ պաշտպանութեան նախարարութեան, Գլխաւոր շտաբի վերլուծական աշխատանքը մեր Զինուած ուժերի կարիքների համար, որովհետեւ շատ կարեւոր է, որ նոյնիսկ այն միջոցները՝ դրանք շատ են, թէ քիչ են, իհարկէ, կարեւոր է, որ շատ լինեն, բայց շատ լինելու պարագայում նաեւ պէտք է թիրախները ճիշդ որոշուեն, պէտք է ճիշդ որոշուի, թէ մենք ինչ կարգի մշակումների, հետազօտութիւնների, արտադրանքի, սպառազինութեան եւ տեխնիկայի կարիք ունենք, եւ դրանց որ մասի մշակումը, արտադրութիւնը եւ արդիականացումը կարող ենք իրականացնել Հայաստանի Հանրապետութիւնում»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top