Սփիւռքի Կարծիքը Ներկայացնող Մարմինը Պէտք Է Կազմուի Ընտրութիւններով՝ Ողջ Սփիւռքի Մէջ. Կիրօ Մանոյեան

0223giro

0223giro

Եթէ Սփիւռքի կարծիքը ներկայացնող մարմին մը պիտի կազմուի, այդ պէտք է կատարուի ընտրութիւններով: Այս մասին, ըստ «Նիուզ»ի, 22 Փետրուար, «Հայաստան-Սփիւռք յարաբերութիւններու փոփոխութիւն, աշխատանքային նոր ձեւաչափ» նիւթով քննարկման ընթացքին ըսաւ ՀՅԴ Բիւրոյի անդամ, Հայ Դատի եւ քաղաքական հարցերու գրասենեակի պատասխանատու Կիրօ Մանոյեան:

Ան յայտնեց, թէ ճիշդ չէ, որ կառավարութիւնը նախաձեռնէ Սփիւռքը ներկայացնող որեւէ կառոյցի ձեւաւորումը, որովհետեւ երրորդ պետութիւններու կողմէ Սփիւռքը կրնայ ընկալուիլ իբրեւ 5րդ շարասիւն:

Ըստ Մանոյեանի՝ ճիշդը այն է, որ Սփիւռքը նախաձեռնէ այսպիսի կառոյցի մը կազմութեան, իսկ պետութիւնը օգնէ: «Վարչապետը յայտնեց, որ պէտք է ըլլայ մէկ կառոյց, որուն հետ խորհրդակցելէ ետք համարենք, որ լսած ենք Սփիւռքի տեսակէտը այս կամ այն հարցի մասին: Ես վստահ չեմ, որ այդպիսի կառոյց հաստատելը շատ արագ ու դիւրին գործ է: Մենք առաջարկած էինք 2014էն սկսած Հայոց Ցեղասպանութեան 100ամեակի յանձնաժողովը վերածել համազգային խորհուրդի: Անիկա բաւական ձգձգուեցաւ, որովհետեւ տարբեր պատկերացումներ կային, թէ ինչպէ՛ս պէտք է տեղի ունենայ այդ, եւ որոնք պէտք է ընդգրկուին: Մեր առաջարկը այն էր, որ եթէ Սփիւռքի կարծիքը ներկայացնող մարմին մը պիտի ըլլայ, անիկա պէտք է կազմուի համամասնական ընտրութիւններով՝ ամբողջ Սփիւռքի տարածքին», ընդգծեց Մանոյեան՝ աւելցնելով, որ այդ պարագային է, որ կառոյցը կ՛ունենայ հեղինակութիւն:

Միւս մօտեցումը, որ կայ կառավարութեան ծրագիրին մէջ՝ ըստ Մանոյեանի, հորիզոնական ցանցերու ստեղծումն է, որ ինքնին դրական երեւոյթ է: «Մենք միշտ կողմնակից եղած ենք, որ այդպիսի կառոյցներ ձեւաւորուին՝ մասնագիտական հիմքերով: Բայց միշտ ալ հարց է, թէ ինչպէս պէտք է այդ կառոյցները աշխատին, եթէ պաշտօնական Երեւանն է որոշողը, միւսներն ալ պէտք է ենթարկուին»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Stephan bagboudarian said:

    Harut Sassounian had a proposal , many years ago, suggesting the method of how to arrange/ plan elections in the diaspora.
    There is a good formula in the suggestion.

    Why don’t we discuss it , revise it if need be, approve it and then execute it. ?

*

Top