Լեզուի Կոմիտէի Նախագահ Դաւիթ Գիւրջինեան Կ՛առաջադրէ Մաքրել Եթերը Ցածրորակ Յայտագիրներէ  

0223gurjinian

 

0223gurjinian

ԵՐԵՒԱՆ.- Հայաստանի կրթութեան եւ գիտութեան նախարարութեան Լեզուի կոմիտէի նախագահ Դաւիթ Գիւրջինեան Հինգշաբթի օր, Երեւանի մէջ մամլոյ ասուլիս մը կազմակերպեց «Արմէնփրէս»ի սրահին մէջ: Ընթացքին ան յայտնեց, որ Հայաստանի կառավարութեան ծրագիրին մէջ լեզուաքաղաքականութեան վերաբերեալ դրութիւններու ընդգրկումը կարեւոր ձեռքբերում մըն է: Այդ շարքին է անհրաժեշտ պայմաններու ստեղծումը հայերէնին՝ իբրեւ արդի գիտութեան լեզու գործածութեան ու զարգացման համար: Նոյն ամբողջին մէջ նախատեսուած է պատկերասփիւռի ալիքներու լեզուն: Լեզուի կոմիտէի նախագահը նշեց, որ պատկերասփիւռի եթերը պէտք է մաքրուի հանրային յարաբերութիւններու փոխադարձ արհամարհանքի եւ կոշտութեան բովանդակութենէն, ինչպէս նաեւ լեզուական ցածորակ արտադրանքէն: Կրթական եւ մշակութային քաղաքականութեան ա-ռանցքային նպատակը պէտք է ըլլայ գրական հայերէնի տարածումը, նախադպրոցական եւ դպրոցական փոքր տարիքի լսարանի համար յատուկ ծրագիրներու միջոցաւ գրական հայերէնի (ներառեալ՝ արեւմտահայերէնի) իմացութեան ամրապնդումը Հայաստանի եւ Սփիւռքի մէջ:

«Եթերը պէտք է մաքրուի լեզուական ցածորակ արտադրութիւններէ: Այսօր մէկ-երկու պատկերասփիւռի եթերով կը կարենանք պատշաճ հայերէնով ժապաւէններ դիտել կամ ճանաչողական հաղորդումներու հետեւիլ: Մենք պէտք է աջակցինք պատկերասփիւռի ընկերութիւններուն եւ համագործակցինք անոնց հետ: Անոնք կը զգան մեր շնչառութիւնը իրենց թիկունքին: Եթէ նախապէս մեր կառոյցը կը կատարէր պատժիչ ջոկատի դերը, ապա այսօր մենք գործընկեր ենք, աջակից ենք: Մեր նպատակը հայերէնի տարածումն ու զարգացումն է», ըսաւ Գիւրջինեան եւ աւելցուց, որ պատկերասփիւռի ընկերութիւնները ընդհանրապէս դրականօրէն կ՛արձագանգեն իրենց կողմէ ուղարկուած ամփոփագիրերուն:

Մանրամասնելով եթերի խնդրայարոյց հարցերը՝ Կիւրճինեան ընդգծեց, որ այդ տեսանկիւնէն առաջին տեղի վրայ կը գտնուին պատկերասփիւռի ֆիլմաշարերը: Անոնց լեզուն անորակութեան սանդղակով առաջին գիծի վրայ է:

Դաւիթ Գիւրջինեան ասուլիսին ընթացքին տեղեկացուց, որ Լեզուի կոմիտէն ուշադրութեան կեդրոնին պիտի պահէ Ազգային ժողովի պատգամաւորներու խօսքը: Բաց աստի, ան յայտնեց, որ Երեւանի խանութներէն մէկուն օտարալեզու ցանկին գրութեան վերանայման համար Լեզուի կոմիտէն կը դիմէ դատարան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. GG said:

    Անմխիթար վիճակում են յատկապէս մամուլն ու լրատուական կայքերը, որոնք լցուած են անհարկի օտարաբանութիւններով:

*

Top