Դարձեալ Յարձակում Ֆրանսայի Սամուէլ Մուրատեան Վարժարանին Վրայ

0226sevres2
0226sevres2

Յունուար 2ի յարձակումին վնասներէն

 

ՓԱՐԻԶ, «Նոր Յառաջ».- Սեւրի Սամուէլ Մուրատեան վարժարանի տեսուչ Յարութիւն վրդ. Պզտիկեան կը տեղեկացնէ, թէ Ուրբաթ, 22 Փետրուարի երեկոյեան, վարժարանին վրայ յարձակման նոր փորձ մը կատարուած է:

0226sevres1

Յարութիւն վրդ. Պզտիկեան

Արդարեւ, երեկոյեան ժամը 6ի մօտերը, խումբ մը երիտասարդներ դարձեալ ապօրինի ճամբով մտած են վարժարանին կալուածը: Մինչ անոնք կը փորձէին փակ դռներ եւ պատուհաններ բանալ, Սեւրի ոստիկանութիւնը՝ վարդապետին ահազանգին վրայ, ատենին հասած եւ ձերբակալած է մօտաւորապէս 10 հոգի, գրաւելով անոնց անձնաթուղթերը:

Յիշեցնենք, որ 2 Յունուարին եւս նման յարձակում մը տեղի ունեցած էր եւ յանցագործները վարժարանի երեք մասնաշէնքերու պատուհաններուն եւ դռներուն վնասներ հասցուցած էին մետաղեայ ձողերով եւ քարերով։ Այդ միջադէպէն ետք կարելի եղած էր ձերբակալել չորս կասկածելիներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top