Ամերիկա Եւս Կ՛արգիլէ «Պոյինկ»ի Կասկածելի Օդանաւերուն Գործածութիւնը

ՈՒԱՇԻՆԿԹԸՆ, «Էյ.Փի.».- Տեղի տալով քաղաքացիներու իրաւանց պաշտպան կազմակերպութիւններու քննադատութիւններուն, Միացեալ Նահանգներու դաշնակցային օդանաւային վարչութիւնը 13 Մարտի յետմիջօրէին յայտարարեց, թէ ժամանակաւորապէս արգիլած է «Պոյինկ 737 ՄԵՔՍ 8» եւ «Պոյինկ 737 ՄԵՔՍ 9» քաղաքացիական ճամբորդական օդանաւերուն օգտագործումը՝ մինչեւ վերջին քանի մը ամիսներուն տեղի ունեցած երկու մահացու արկածներուն պատճառներուն բացայայտուիլը։ Աւելի ուշ, «Պոյինկ»ը եւս յանձնարարեց օդանաւային բոլոր ընկերութեանց, որ կասեցնեն այս տեսակի օդանաւերուն գործածութիւնը, մինչեւ քննութեանց աւարտը։

Քանի մը տասնեակ պետութիւններ եւ Եւրոպական Միութիւնը արդէն իսկ կասեցուցած էին այդ օդանաւերուն գործածութիւնը։

Յիշեցնենք, որ Եթովպիոյ մէջ ջախջախուած էր «Պոյինկ 737 ՄԵՔՍ 8» օդանաւ մը, որուն մէջ կային 157 ճամբորդներ եւ անձնակազմի անդամներ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top