Էրտողան-Նեթանիահու Հերթական Բանավէճ

0315erdo natan

0315erdo natan

ՊՈԼԻՍ, «Մարմարա».- Թուրքիա-Իսրայէլ լարուած յարաբերութիւնները պարբերաբար աւելիով կը սրին, երկու երկիրներու ղեկավարներուն կողմէ իրարու ուղղուած ծանր եւ վիրաւորական  յայտարարութիւններուն պատճառով։

Վերջին քանի մը օրերուն, դարձեալ սրած են յարաբերութիւնները, այս անգամ որովհետեւ Իսրայէլի վարչապետ Պենիամին Նեթանիահու «Թուիթըր»ի իր էջին վրայ կարծր գրառում մը կատարած էր նախագահ Էրտողանի մասին՝ գրելով, որ «Թուրքիոյ Նախագահը կը յարձակի Իսրայէլի ժողովրդավարութեան վրայ, մինչդեռ թուրք լրագրողներ ու դատաւորներ կը յայտնուին թրքական բանտերու մէջ։ Ի՜նչ ծիծաղելի է»։

Այս գրութեան առաջին հակազդեցութիւնը եկաւ նախագահի բանբեր Իպրահիմ Քալընէն, որ իր կարգին գրեց հետեւեալը. «Նեթանիահու ինքզինք մատնեց իր նացիական յայտարարութիւններով եւ այդ իսկ պատճառով կը յարձակի Էրտողանի վրայ։ Սուտն ու ճնշումը չեն կրնար թաքցնել սպանութիւնները։ Իսրայէլի իշխանութիւնները վայրագօրէն կը գործեն»։

Աւելի ուշ, Էրտողան հրապարակաւ ասպարէզ կարդաց Իսրայէլի վարչապետին ու կոչ ուղղեց, որ ան «խելքը գլուխը հաւաքէ»։ Անգարայի մէջ ընտրական հանրահաւաքի մը ընթացքին Էրտողան «դաժան մարդասպան» յորջորջեց Նեթանիահուն եւ ըսաւ. «Դուն անխիղճ ես. եօթը տարեկան պաղեստինցիներ կը սպաննես»՝ նշելով որ իշխանութիւններուն հրամանով հրէական ոստիկանութիւնը եւ զինեալ ուժերու աշխատակիցները առանց կօշիկները հանելու կը ներխուժեն Երուսաղէմի մզկիթներէն ներս։ «Մենք Թուրքիոյ մէջ ոչ մէկ սինակոկի մէջ ըրած ենք այն, ինչը դուք կ՛ընէք մզկիթներու մէջ։ Փորձութեան մի՛ ենթարկեր մեզ, մենք պիտի չտարուինք այդ խաղերէն, բայց ատոր պատասխանը պիտի պահանջենք միջազգային հարթակներու վրայ», յայտարարեց Էրտողան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top