Չինաստան Անկողմնակալ Միջնորդ Պիտի Դառնայ Հնդկաստան-Փաքիստան Ճգնաժամին. «Կլոպըլ Թայմզ»

ՊԷՅԺԻՆԿ.- Չինաստան անկողմնակալ միջնորդի դեր պիտի ստանձնէ Հնդկաստան-Փաքիստան տագնապի լուծման գործին մէջ եւ պիտի օժանդակէ հաշտեցման ջանքերուն, կը յայտնեն Չինաստանի պետական «Կլոպըլ Թայմզ» օրաթերթի մեկնաբանները:

«Պէյժինկ մտադիր չէ կողմերէն մէկը պաշտպանելու այդ վէճերուն մէջ: Չինաստանի ժողովրդային հանրապետութիւնը շահագրգռուած է այդ երկկողմանի տագնապի լարուածութեան մեղմացումով, ահաբեկչութեան դէմ պայքարին մէջ կացութեան բարելաւումով, ուստի Չինաստան հանդէս պիտի գայ իբրեւ միջնորդ, ինչ որ պիտի նպաստէ լարուած կացութեան մեղմացումին», կը գրեն խմբագրական յօդուածին հեղինակները:

Ըստ անոնց՝ հակառակ այն իրողութեան, որ Փաքիստան ամբողջութեամբ կը պաշտպանէ Չինաստանի այդ դիրքորոշումը, Հնդկաստանի հասարակութեան բազմաթիւ ներկայացուցիչներ կը շարունակեն անվստահութեամբ վերաբերիլ Չինաստանի շարք մը նախաձեռնութիւններուն, անոնց մէջ տեսնելով աշխարհաքաղաքական սպառնալիք: Թերթին մեկնաբանները իբրեւ օրինակ կը բերեն «Մէկ գօտի՝ մէկ ճամբայ» նախաձեռնութիւնը, որ կրնայ հաւասարապէս օգտակար ըլլալ թէ՛ Փաքիստանին, թէ՛ Հնդկաստանին:

Անոնք նաեւ կ՛ընդգծեն, որ Հնդկաստան-Փաքիստան յարաբերութիւնները կրնան կարգաւորուիլ միայն խաղաղ երկխօսութեան ճամբով, որուն յաջող յառաջխաղացումը պատրաստ է երաշխաւորելու Չինաստան:

Նշենք, որ Հնդկաստանի եւ Փաքիստանի միջեւ միջնորդութիւն կատարելու պատրաստակամութիւն յայտնած էին նաեւ Թուրքիա եւ Սէուտական Արաբիա:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top