Եւրոխորհրդարանը Թուրքիոյ՝ Եւրոմիութեան Անդամակցութիւնը Առկախեց

0315EP2

0315EP2

ՍԹՐԱԶՊՈՒՐԿ, «Ռոյթըրզ».- 13 Մարտին, Եւրոպական Խորհրդարանին մէջ վաւերացուեցաւ քուէարկութեան դրուած Թուրքիոյ վերաբերեալ զեկոյցը, որով կոչ կ՛ուղղուի՝ առկախելու Թուրքիոյ եւ Եւրոպական Միութեան միջեւ արդէն իսկ դանդաղօրէն ընթացող անդամակցութեան բանակցութիւնները:

Զեկոյցը պատրաստուած էր Եւրոպական խորհրդարանի հունգարածին հոլանտացի պատգամաւոր եւ Թուրքիոյ գծով զեկուցող Քեթի Փիրի, որ քննարկումին ընթացքին յայտարարեց, թէ ներկայ հանգրուանին զաւեշտի համազօր քայլ մը պիտի ըլլայ անդամակցութեան բանակցութիւններ վառել Էրտողանի հետ:

Զեկոյցին ի նպաստ քուէարկեցին 370 պատգամաւորներ, իսկ 109ը՝ դէմ, մինչ 143 պատգամաւորներ ձեռնպահ մնացին:

0315EPԶեկոյցին մէջ կը նշուի, որ Թուրքիոյ մէջ կը շարունակուին ոտնակոխուիլ մարդկային տարրական իրաւունքները եւ ժողովրդավարական սկզբունքները:

Թուրքիոյ արտաքին գործոց նախարարութիւնը, իշխող Արդարութիւն եւ զարգացում կուսակցութեան խօսնակ Օմեր Չելիք, ինչպէս նաեւ Թուրքիոյ խորհրդարանի Արտաքին յարաբերութիւններու յանձնաժողովի նախագահ Վոլքան Պոզքըր հակադարձեցին այս որոշումին:

Վերջինս ըսաւ հետեւեալը. «Զեկոյցը, որուն մէջ կան անհիմն պնդումներ, ընդունուեցաւ Եւրոպական Խորհրդարանին կողմէ: Ասիկա ցոյց կու տայ, որ մեր երկրին դէմ Եւրոպական խորհրդարանին կողմնակալ դիրքորոշումը շարունակական բնոյթ ունի»:

Իր կարգին, Չելիք զեկոյցը որակեց «անարժէք, իրաւական ուժ չունեցող եւ հեղինակութիւն չունեցող որոշում»: Թուրքիոյ արտաքին գործոց նախարարութիւնը, իր կարգին, յայտնեց, թէ որոշումը «ոչինչ կը նշանակէ» Թուրքիոյ համար։

Յիշեցնենք, որ Եւրոպական խորհրդարանին որոշումները խորհրդակցական բնոյթ ունին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top