2018ին Ատրպէյճանի Ռազմական Ամավարկը 1.9 Միլիառ Տոլար Եղած Է

0316azr

0316azr

ԵՐԵՒԱՆ.- 2018ին, Ատրպէյճան ռազմական ոլորտին տրամադրուած է 3.3 միլիառ մանաթ (մօտաւորապէս 1.9 միլիառ տոլար), յայտարարեց այդ երկրի վարչապետ Նովրուզ Մամետով, կը հաղորդէ «Սիվիլնեթ» լրատուական կայքը։

«2018ին Ատրպէյճանի պաշտպանական ծախսերը աւելցած են 526.8 միլիոն մանաթով (310 միլիոն տոլար)՝ հասնելով 3.3 միլիառ մանաթի», ըսած է Մամետով:

Ան տեղեկացուցած է, որ 2018ին, Ատրպէյճանի մէջ շարունակուած է ռազմարդիւնաբերական ներուժի բարելաւման եւ բանակաշինութեան կատարելագործման ուղղուած գործունէութիւնը:

Մամետովի համաձայն՝ երկրին զինուած ուժերը արդի զինամթերքով ապահովելու նպատակով ձեռք բերուած են «Փոլոնեզ», «Լորա» համակարգեր, հակահրթիռային պաշտպանութեան միջոցներ եւ այլն:

Համեմատութեան համար՝ Հայաստանի 2018ի ամավարկի նախագիծով, պաշտպանութեան համար նախատեսուած եղած է շուրջ 240 միլիառ դրամ (մօտաւորապէս 489 միլիոն տոլար):

2019ի ամավարկի նախագիծով, պաշտպանութեան ոլորտի ծախսերուն պիտի յատկացուի 302 միլիառ դրամ (620 միլիոն տոլար):

Հայաստանի ռազմական ամավարկը տասը տարուան մէջ գրեթէ կրկնապատկուած է: 2008ին անիկա 121 միլիառ դրամ էր (247 միլիոն տոլար):

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top