Վրաստանի Նախագահը Կը Դժգոհի Աբխազիոյ Հայկական Եկեղեցիներու Ենթակայութեան Հարցով

0315salome

0315salome

ԵՐԵՒԱՆ, «ՓանԱրմինիըն».- Վրաստանի նախագահ Սալոմէ Զուրապիշվիլի Հայաստան կատարած պաշտօնական այցելութեան ընթացքին իր դժգոհութիւնը յայտնեց, որ Աբխազիոյ հայկական եկեղեցիները Հայոց առաքելական եկեղեցւոյ Հարաւային Ռուսիոյ թեմին ենթակայ են: Այս մասին յայտնեց Վրաստանի նախագահի աշխատակազմին մօտիկ աղբիւրներ:

Այդ հարցին Սալոմէ Զուրապիշվիլի «շատ կոշտ կերպով անդրադարձաւ» Հայաստանի Ազգային ժողովի նախագահ Արարատ Զուրաբեանի եւ Ամենայն Հայոց կաթողիկոս Գարեգին Բ.ի հետ հանդիպումներուն ընթացքին:

Աբխազիոյ հայկական եկեղեցիներու վերաենթարկումը Հարաւային Ռուսիոյ թեմին՝ վրացական կողմը կ՛ընկալէ իբրեւ Հայոց առաքելական եկեղեցւոյ կողմէ Վրաստանի տարածքային ամբողջականութեան խախտում:

Վրաստանի նախագահը պահանջեց կաթողիկոսէն փոխել այդ որոշումը, որպէսզի Աբխազիոյ հայկական եկեղեցիները վերադառնան Վիրահայոց թեմի ենթակայութեան, ինչպէս եղած է պատմականօրէն:

Կողմերը համաձայնեցան գտնել հարցին՝ ընդունելի լուծում մը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top