Բակօ Սահակեան Հայաստան Հիմնադրամի Արեւմտեան Ամերիկայի Նախագահին Հետ Քննարկեց Արցախի Մէջ Իրականացող Ծրագիրներ  

0316pako

0316pako

ՍՏԵՓԱՆԱԿԵՐՏ.- Արցախի Հանրապետութեան նախագահ Բակօ Սահակեան 15 Մարտին ընդունեց Հայաստան Համահայկական հիմնադրամի Ամերիկայի Արեւմտեան շրջանի նախագահ Մարիա Մեհրանեանը:

Հանդիպման ընթացքին քննարկուեցան Արցախի մէջ իրականացող տարբեր ծրագիրներու վերաբերող հարցեր:

Նախագահ Սահակեան բարձր գնահատեց Հայաստան Համահայկական հիմնադրամի Ամերիկայի Արեւմտեան շրջանի դերակատարութիւնը Արցախի զարգացման գործին՝ երախտագիտութիւն յայտնելով արհեստավարժ աշխատանքի եւ նուիրուածութեան համար:

«Նախագահ Սահակեանի հետ հանդիպմանը քննարկել ենք Հայաստան Համահայկական հիմնադրամի Ամերիկայի Արեւմտեան շրջանի նուիրատուների կողմից Արցախում իրականացուող մի շարք բարեգործական ծրագրերի հարցեր» հանդիպումէն ետք լրագրողներու յայտնեց Մեհրանեան:

Ըստ վերջինիս՝ հիմնադրամի Ամերիկայի Արեւմտեան շրջանի այս տարուան  ծրագիրներուն  մէջ ներառուած են Արցախի մէջ տեղեկատուական արհեստագիտութեանց դպրոցի հիմնադրման, հանրակրթական դպրոցի մը վերանորոգման եւ 4 մարզադաշտերու վերակառուցման աշխատանքները: Այդ ծրագիրներէն մարզադաշտերու վերակառուցման աշխատանքները արդէն սկսած են, իսկ միւս երկուքը տակաւին կը գտնուին նախագծային փուլին մէջ:

Մարիա Մեհրանեան ընդգծեց, որ Ամերիկայի Արեւմտեան շրջանը Արցախի նկատմամբ միշտ յատուկ հետաքրքրութիւն եւ ուշադրութիւն տածած է:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top