Եւրոպական Միութիւնը 12.5 Միլիոն Եուրօ Տրամադրեց ԹՈՒՄՕին

0320tumo

0320tumo

ԵՐԵՒԱՆ, «Արմէնփրէս».- «Եւրոպական Միութեան ԹՈՒՄՕ ճարտարագիտական եւ կիրառական գիտութիւններու համալիր» հիմնելու նպատակով, Եւրոպական Միութիւնը 12.5 միլիոն եուրօ դրամաշնորհ յատկացուց ԹՈՒՄՕին: Համալիրը պիտի ըլլայ հետազօտութիւններու, կրթութեան եւ «սթարթափ»ներու հանգոյց, որ իր շուրջ  պիտի հաւաքէ տեղական եւ միջազգային գործընկերներ՝ Հայաստանի մէջ բարձրագոյն կրթութեան եւ արդիւնաբերութեան միջեւ բացը լրացնող կամուրջ ստեղծելու համար:

Սոյն նախագիծին մեկնարկը տրուեցաւ Երեքշաբթի, 19 Մարտին, ԹՈՒՄՕի կեդրոնին մէջ:

Եւրոպական Միութեան (ԵՄ) պատուիրակութեան ղեկավար, դեսպան Փիոթր Սուիթալսքի շեշտեց, որ այս նախաձեռնութեան միջոցաւ կը փորձեն ամրապնդել կապը արդիւնաբերութեան եւ գիտութեան միջեւ:

«Տասը օր առաջ Հայաստանի վարչապետ Նիկոլ Փաշինեան շատ յաջող այցելութիւն մը ունեցաւ Պրիւքսէլ, ուր ան հանդիպեցաւ Եւրոպական Միութեան ղեկավարներու հետ: Ես այստեղ եկած եմ, որպէսզի իրականութիւն դարձնենք այն բոլոր համաձայնութիւնները, որոնք ձեռք բերուեցան Պրիւքսէլի մէջ եւ դրամաշնորհ կը տրամադրենք այդ նպատակով», նշեց Եւրոպական յանձնաժողովի Հարեւանութեան եւ ընդլայնման բանակցութիւններու գլխաւոր տնօրէնութեան Արեւելեան հարեւանութեան հարցերու տնօրէն Լորենս Մերետիթ:

Ան շեշտեց, որ 18 Մարտին միջազգային հանրութեան հեղինակաւոր ներկայացուցիչներու հետ այցելեց  ԹՈՒՄՕ եւ քննարկեց բազմաթիւ հարցեր:

ԹՈՒՄՕի զարգացման գծով տնօրէն Բեկոր Փափազեան ներկայացուց նախագիծը, որուն հետեւեցաւ համագործակցութեան մասին համաձայնագիրի խորհրդանշական ստորագրութիւնը:

«Շատ ոգեւորուած ենք, որ Հայաստանում ստեղծելու ենք համաշխարհային կարգի STEM էկոհամակարգ (բնապահպանական համակարգ-Խմբ.), որտեղ բարձր տեխնոլոգիաների (ճարտարարուեստներու-Խմբ.) ոլորտի մասնագէտների յաջորդ սերունդը կարող է սովորել եւ նորարարութեամբ զբաղուել», ըսաւ Փափազեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top