Պաշտպանուենք Մոծակների Դէմ

0321mosquitto1

0321mosquitto1Շաբաթներով տեղացող անձրեւները եւ տաքացող ջերմաստիճանը սահմանել են մոծակների վաղ սեզոն։

Տեղատարափ անձրեւները մեղմացրեցին հարաւային Կալիֆորնիայի երաշտային իրավիճակը, բայց ստեղծեցին դրախտային պայմաններ մարդկանց բակերում հիւանդութիւն տարածող մոծակների համար:

Վեկտոր հսկողութեան պաշտօնեաները խորհուրդ են տալիս Լոս Անջելեսի վարչաշրջանի բնակիչներին, որպէսզի ձեռնարկեն լրացուցիչ միջոցներ կանաչ եւ չխնամուած լողաւազանների, անձրեւային տակառների եւ այլ փոքր տակառների հանդէպ, որոնք հաւաքում են անձրեւաջուրը: Քանի որ մոծակները կարող են մէկ շաբաթուայ ընթացքում իրենց կեանքի ցիկլերը (շրջանակը-Խմբ.) լրացնել ձուից մինչեւ չափահաս, հաւաքուած ջուրը պէտք է դատարկուի կամ օգտագործուի մէկ շաբաթուայ ընթացքում եւ անձրեւային տակառները եւ տարաները պէտք է ամուր կերպով փակուած լինեն, որպէսզի կանխարգելեն մոծակների մուտքը, եւ կանաչ ու չպահպանուած լողաւազանները պէտք է մաքրուեն:

Եթէ բնակիչները պէտք է ջուրը պահեն անձրեւի տակառներում, դոյլերում եւ այլ նմանատիպ տարաներում մէկ շաբաթից աւելի, ապա խորհուրդ է տրւում ձեռնարկել հետեւեալ քայլերը, որպէսզի համոզուէք, որ դրանք մոծակների համար անհասանելի են.

– Փակէք բոլոր ջրով լի տակառները ձիգ փականներով:

– Ցանցապատէք բոլոր անցքերը, ինչպիսիք են տանիքի ջրորդանները 1/16 նուրբ ցանցով՝ մոծակների մուտքը կանխարգելելու համար:

– Ամսական ստուգումներ անցկացրէք եւ համոզուէք, որ ցանցերը անցքեր չունեն, որպէսզի մոծակները չներխուժեն եւ դնեն հարիւրաւոր ձուեր:

–  Օգտագործէք եւ պահպանէք մոծակների վերահսկման բնական նիւթեր, որոնք պարունակում են Bti այն ջրում, որը պահպանելու էք երկար ժամանակ:

0321mosquitto

– Օգտուէք այս անձրեւների առաւելութիւնից եւ գտէք ու հեռացրէք բոլոր չօգտագործուող տարաները տանից, որոնք կարող են ջուր հաւաքել եւ նպաստել մոծակների խնդիրներին: Այլ ընդհանուր աղբիւրները ներառում են բոյսի սաւանները, դոյլերը, անուադողերը, կենդանիների ջրամանները, թափօնների վերամշակման արկղերը, աղբարկղերը եւ նոյնիսկ թփերի մէջ թաքնուած աղբերը:

«Մոծակների ձուերին հարկաւոր է ընդամէնը մէկ թէյի գդալ ջուր, որպէսզի նրանք աւարտեն իրենց կեանքի ցիկլը», ասել է Անայիս Մեդինա Դիազը, ով հանդիսանում է Լոս Անջելեսի վարչաշրջանի վեկտորի «հիւանդակիր-Խմբ.) վերահսկման բաժանմունքի հանրային տեղեկատուութեան պատասխանատուն (GLACVCD): «Այսօր ձեր տանը մոծակների բուծման աղբիւրները վերացնելու միջոցով կարող էք պաշտպանել ձեր ընտանիքի առողջութիւնը Հարաւային Կալիֆորնիայի ջերմաստիճանի բարձրացման հետ մէկտեղ»:

Թէեւ բնակիչները իրենց ջանքերը ներդնում են իրենց տներում գտնուող վերջին անձրեւներից մնացած ջրերը վերացնելու համար, վեկտորը վերահսկող տեխնիկները իրենց հերթին վերահսկում են հիւանդութիւնների ակտիւութիւնը եւ մոծակների թուաքանակը GLACVCD-ի իրաւասութեան շրջանակներում:

Յաւելեալ տեղեկութիւնների կամ գաղտնիօրէն կանաչ եւ չխնամուած լողաւազանների մասին զեկուցելու համար՝ այցելէք www.glacvcd.org վեբ-կայքը:

 

«ՕՐԱԿԱՐԳ»

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top