Ջան Թաւրիզ Կազմակերպութեան Տարեկան Միջոցառումը

Jan Tavriz 1

Jan Tavriz 1

ԿՈԼԻԱ ՏԷՐ ՅՈՎՀԱՆՆԻՍԵԱՆ

 

Սոյն թուի Մարտ 9ին, Բըրբանքի «Ռիթզ-Քալայղջեան» սրահում, հանդիսաւորութեամբ մեկնարկեց Լոս Անջելեսի Ջան Թաւրիզ կազմակերպութեան 14րդ ամէնամեայ շքեղ միջոցառումը, «Յաղթական երթ» նշանաբանով:

Երեկոյթին ներկայ էին հոգեւոր հայրեր, թաւրիզեցիներ ու հիւրեր:

Միջոցառման հրաւէր-նամակի մէջ մասնաւորապէս ասուած էր. «Բարի աւանդոյթ է դարձել, որ կազմակերպութիւնս իր տարեկան հանդիպում-երեկոյթների հասոյթը յատկացնում է մի բարեգործական նպատակի: Այս տարի նպատակադրել ենք հովանաւորել Թաւրիզի հայ մարզիկներին, որոնք կը մասնակցեն ՀՀում կայանալիք՝ Համահայկական (Pan-Armenian) 7րդ խաղերին: Ուստի, այս երեկոյթը անուանել ենք՝ «Յաղթական երթ»»:

Հարկ է նշել, որ սրահը պատշաճօրէն զարդարուած էր օրուայ նշանաբանին յարիր պաստառներով ու յուշանուէրներով:

Բացման խօսքից առաջ վարչութեան անդամներից օր. Սիլվա Օհանեանը, ամփոփ կերպով տուեց Համահայկական խաղերի պատմականը, ՀՀի անկախացումից առաջ եւ յետոյ, ինչպէս նաեւ թաւրիզահայ մարզիկների մասնակցութեան տարեթուերը այդ խաղերին:

Ապա բացման խօսքով հանդէս եկաւ կազմակերպութեան նախագահ՝ Յուսիկ Յարութիւնեանը եւ իր բարիգալստեան խօսքից յետոյ  ներկայացրեց  ներկայ  վարչութեան անդամներին եւ ապա նշեց, որ այս տարի լուծարուելու է կազմակերպութեան վարչութիւնն ու ընտրութեամբ կեանքի է կոչուելու նոր վարչութիւն՝ բաղկացած աւելի երիտասարդ ուժերից: Նա ուրախութեամբ յայտնեց, որ այս միջոցառման հասոյթը մասնակիօրէն կամ լրիւ (կապուած հասոյթի գումարին) յատկացուելու է թաւրիզահայ մարզիկների ու պատասխանատուների կեցութեան ծախսերին Երեւանում: Նա յայտնեց նաեւ, որ ինչպէս նախորդ տարիներին, երրորդ անգամը լինելով՝ այս տարի եւս կազմակերպութեան կողմից,  500ական դոլարով, որպէս խրախուսանք, հովանաւորուելու են երեք գերազանց աշակետներ, որոնք պատրաստւում են բարձրագոյն կրթութեան համար:

Նախագահն իր խօսքում նշեց, որ հայ նմանատիպ կազմակերպութիւնների յարատեւումն ու գործունեութեան ընդլայնումը կախուած է հասարակութեան նիւթական ու բարոյական աջակցութիւնից: Նա թուարկեց մի շարք նուիրատուների անուններ, որոնք արդէն իսկ կատարել էին իրենց նուիրատուութիւնները օրուայ նպատակի շրջանակում: Նշուեց նաեւ աշխարհի տարբեր ծագերից քաջալերանքի ուղերձներ յղած անձանց անունները:

Երեկոյթի վերջում, բեմ հրաւիրուեցին 1964-2019թթ. ընկած ժամանակահատուածում համահայկական խաղերին մասնակցած՝ երեկոյթին ներկայ՝ թաւրիզահայ մարզիկները եւ իւրաքանչիւրին տրուեց գնահատական-յուշանուէր: Բեմ հրաւիրուեցին նաեւ երեք գերազանց աշակերտները եւ ստացան իրենց յատկացուած գումարը:

Շնորհիւ անթերի կազմակերպչականութեան՝ երեկոյթը անցաւ ջերմ մթնոլորտում: Եղաւ ազգային պարերի յաջող ելոյթ դի-ջէյ նուագակցութեամբ, որին յաջորդեցին ներկաների ազատ պարերը: Կար ճոխ ընթրիք, վիճակախաղ:

Հիւրերը լաւ տպաւորութիւններով թողեցին սրահը կէս գիշերից անց:

Jan Tavriz 2

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top