Հայ Դատը Կը Հետեւի Թուրքիոյ Հայոց Պատրիարքի Ընտրութեան

0321ANCI

0321ANCI

Հիմա որ արդէն աւարտած է Թուրքիոյ Հայոց 84րդ պատրիարք Մեսրոպ արք. Մութաֆեանի յուղարկաւորութիւնը եւ վերջին օծման արարողութիւնը, ՀՅԴ Հայ Դատի Կեդրոնական խորհուրդը, ցաւակցելով պատրիարքի հարազատներուն եւ հայ համայնքին՝ կը յայտարարէ, թէ ուշադրութեամբ պիտի հետեւի Թուրքիոյ Հայոց պատրիարքութեան աթոռին համար ընտրութիւններու ընթացքին, յատկապէս Թուրքիոյ իշխանութիւններու հաւանական միջամտութիւններուն:

Մութաֆեան պատրիարքի հիւանդութեան ամբողջ տեւողութեան, Թուրքիոյ իշխանութիւնները ամէն առիթ եւ կարելիութիւն օգտագործեցին պառակտելու համար համայնքը, խոչընդոտելու գործընթացը եւ խանգարելու համայնքին համար շատ կարեւոր այս իրաւունքի նուիրագործումը: Մութաֆեան պատրիարքին վախճանիլը վերցուցած է Թուրքիոյ իշխանութիւններուն կողմէ որեւէ առարկութեան հիմնաւորում՝ շարունակելու ձգձգել պատրիարքի ընտրութիւնները:

ՀՅԴ Հայ Դատի Կեդրոնական խորհուրդը՝ զանազան կեդրոններու եւ երկիրներու մէջ գործող իր գրասենեակներուն եւ յանձնախումբերուն ցանցով, պիտի շարունակէ արձագանգել Թուրքիոյ իշխանութիւններուն կողմէ, միջազգային օրէնքին համաձայն, Թուրքիոյ հայ համայնքի իրաւունքներու ոտնահարման բոլոր փորձերուն:

Նոյն ատեն կոչ կ՛ուղղենք Թուրքիոյ հայութեան՝ համայնքին համար ճակատագրական այս պահուն ըլլալ միակամ եւ աներկբայօրէն պաշտպանել իր իրաւունքները:

 

ՀՅԴ ՀԱՅ ԴԱՏԻ

ԿԵԴՐՈՆԱԿԱՆ ԽՈՐՀՈՒՐԴ

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top