Հայ Դատի Հանդիպումը Փոխնահանգապետ Քունալաքիսի Հետ

0323ANCA and Lt Gov
0323ANCA and Lt Gov

Ձախէն աջ՝ Արեւմտեան Ամերիկայի Հայ Դատի յանձնախումբի ատենապետ իրաւաբան Նորա Յովսէփեան, Քալիֆորնիոյ փոխնահանգապետ Էլանի Քունալաքիս եւ Արեւմտեան Ամերիկայի Հայ Դատի յանձնախումբի վարչութեան անդամ իրաւաբան Անահիտ Օշական

ՍԱՔՐԱՄԵՆԹՕ.- 18 Մարտին, Արեւմտեան Ամերիկայի Հայ Դատի յանձնախումբի վարչութեան եւ անձնակազմի ներկայացուցիչները արդիւնաբեր հանդիպում մը ունեցան Քալիֆորնիոյ փոխնահանգապետ Էլանի Քունալաքիսի հետ, նահանգի մայրաքաղաքին մէջ։

«Նկատի ունենալով անոր յունական ծագումը, փոխնահանգապետը լաւապէս ծանօթ է հայոց պատմութեան եւ ամերիկահայ համայնքին քաղաքական նախապատուութիւններուն», կը յայտնէ Արեւմտեան Ամերիկայի Հայ Դատի յանձնախումբի ատենապետ իրաւաբան Նորա Յովսէփեան՝ աւելցնելով. «Ուրախ ենք, որ առիթը ունեցանք անոր հետ հանդիպելու եւ կ՛ակնկալենք աւելի մօտէն գործակցիլ անոր եւ անոր գրասենեակին հետ, իրականացելու համար երկուստեք հետաքրքրութիւն ներկայացնող նախաձեռնութիւններ»։

Հանդիպման ընթացքին քննուեցան ամերիկահայութիւնը եւ Հայ Դատը յուզող շարք մը հարցեր։

Քունալաքիս իր զօրակցութիւնը յայտնեց Հայկական Հարցին, յոյժ կարեւոր համարելով ամերիկահայութեան հետ սերտ համագործակցութիւնը։

Հանդիպման ներկայ էին նաեւ Արեւմտեան Ամերիկայի Հայ Երիտասարդաց Դաշնակցութեան ներկայացուցիչները։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top