Էջմիածինը Պոլսոյ Պատրիարքական Ընտրութիւններուն Չունի  Նախընտրած Թեկնածու

0322echmiadzin

 

0322echmiadzin

ԷՋՄԻԱԾԻՆ.- Մայր Աթոռ Սուրբ Էջմիածնի աղբիւրները Հինգշաբթի, 21 Մարտին հանդէս եկան ուշագրաւ հերքումով մը, որ կը վերաբերի Պոլսոյ պատրիարքական ընտրութեան գործընթացին: Ամենայն Հայոց կաթողիկոսութեան տեղեկատուութեան համակարգի տնօրէն Վահրամ քհն. Մելիքեան, անդրադառնալով տարածուած այն լուրերուն, ըստ որոնց Գարեգին Բ. կաթողիկոսը պատրիարքական ընտրութեան պարագային առաջադրած է Գուգարաց թեմի առաջնորդ Սեպուհ քրք. Չուլճեանի թեկնածութիւնը ու կ՛աջակցի անոր, յայտարարծ է, թէ «Բոլոր եկեղեցականներն ալ Ամենայն հայոց կաթողիկոսի հայրական հոգածութեան եւ հոգեւոր իշխանութեան ներքեւ ծառայող սպասաւորներ են: Եւ այդ իմաստով Վեհափառ Հայրապետը երբեւէ որեւէ պարագայի մէջ տարբերութիւն չէ դրած եկեղեցականներու միջեւ: Այս պարագային, այդ ընտրութեան կրնան մասնակցիլ բոլոր այն անձերը, որոնք կը բաւարարեն պահանջները: Ամենայն հայոց կաթողիկոսին կողմէ առաջադրուած մասնաւոր թեկնածու մը չկայ: Անոնք, որոնք կը համապատասխանեն պահանջներուն, հաւասար պայմաններու մէջ պիտի գործեն»:

Գուգարաց թեմի առաջնորդ Սեպուհ արք. Չուլճեան շաբաթավերջին ներկայ գտնուած էր Մեսրոպ արք. Մութաֆեանի յուղարկաւորութեան, վերջին օծման եւ թաղման արարողութիւններուն‘ մաս կազմելով Մայր Աթոռ Սուրբ Էջմիածնի պատուիրակութեան: Եռանդամ այդ պատուիրակութիւնը գլխաւորած էր Արեւմտեան Եւրոպայի Հայրապետական պատուիրակ եւ Վատիկանի մօտ Հայաստանեայց Առաքելական Եկեղեցւոյ մշտական ներկայացուցիչ Խաժակ արք. Պարսամեան, որ ընթերցած էր վեհափառ հայրապետի ցաւակցական պատգամը:

Նշենք, որ Սեպուհ արք. Չուլճեան տարիներէ ի վեր արդէն յայտարարած էր, որ թեկնածու է Պոլսոյ Պատրիարքական Աթոռի գահակալ դառնալու համար:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top