Օթթաուայի Մէջ Հիմնուեցաւ «Գանատայի Խորհրդարանի Արցախի Ժողովուրդի Բարեկամներ» Խմբակցութիւնը

0000OTTAWA
0000OTTAWA

Հայ Դատի յանձնախումբի անդամները՝ հիմնադիր երեսփոխաններուն հետ

ՕԹԹԱՈՒԱ.- Երեքշաբթի, 19 Մարտին, Գանատայի մայրաքաղաք Օթթաուայի մէջ տեղի ունեցաւ Գանատայի խորհրդարանին մէջ «Գանատայի խորհրդարանի Արցախի ժողովուրդի բարեկամներ» խմբակցութեան հիմնադիր ժողովը, որուն ներկայ գտնուեցան շարք մը երեսփոխաններ, պաշտօնատարներ եւ ՀՅԴ Գանատայի Հայ Դատի յանձնախումբի ներկայացուցիչները:

Ժողովը, որ տեղի ունեցաւ Պահպանողական կուսակցութեան անդամ՝ երեսփոխան Ռէյչըլ Հարտըրի գրասենեակին մէջ, նախ ընթերցեց եւ վաւերացուց նորակազմ խմբակցութեան հիմնադիր փաստաթուղթը, որմէ ետք ընտրեց երեսփոխան Հարտըրը՝ իբրեւ խմբակցութեան առաջին ատենապետը: Ժողովը նաեւ լայնօրէն քննարկեց Արցախի ներկայ իրավիճակը, մարտահրաւէրները, բանակցային գործընթացի հոլովոյթը եւ խմբակցութեան մշակելիք ծրագիրները:

Ողջունելով այս պատմական իրադարձութիւնը, Հայ Դատի յանձնախումբի անդամները շնորհակալութիւն յայտնեցին հիմնադիր ժողովի մասնակցողներուն եւ մնացեալ անդամներուն: Հայ Դատի գործիչները շեշտեցին սոյն խմբակցութեան կազմաւորման անհրաժեշտութիւնը, յոյս յայտնելով, որ այս խմբակցութեան աշխատանքներուն շնորհիւ, Գանատայի խորհրդարանին մէջ աւելի լայնօրէն պիտի քննարկուի Արցախեան հիմնահարցի խաղաղ կարգաւորման գործընթացը եւ Արցախեան ժողովուրդի իքնորոշման իրաւունքի անհրաժեշտութիւնը:

Իր կարգին, երեսփոխան Հարտըր շնորհակալութիւն յայտնեց Հայ Դատի յանձնախումբին՝ սոյն համագործակցութեան համար եւ պատրաստակամութիւն յայտնեց ամէն ջանք ի գործ դնելու, որ այս խմբակցութիւնը յաջողի եւ զարգանայ իր առաքելութեան մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top