Ճափոնի Կառավարութիւնը 89,000 Տոլար Կը Նուիրէ Առողջապահական Ծրագիրներու

0322japon

0322japon

ԵՐԵՒԱՆ, «ՓանԱրմինիըն».- Ճափոնի կառավարութիւնը 89,000 տոլարի դրամաշնորհ յատկացուց Հայաստանի կանանց եւ երեխաներու առողջութեան պաշտպանութեան ուղղուած ծրագիրներու: Այս մասին յայտնեց առողջապահութեան նախարարութեան տեղեկատուութեան եւ հասարակայնութեան հետ կապերու վարչութիւնը:

Հայաստանի մօտ Ճափոնի դեսպան Ճուն Եամատա եւ Վերարտադրողական առողջութեան, մանկաբարձութեան եւ կնոջական հիւանդութեանց հանրապետական հիմնարկութեան տնօրէն Ռազմիկ Աբրահամեան ստորագրեցին «Երեւանում սեռավարակներով տառապող յղի կանանց համար բժշկական սարքաւորումների տրամադրման նախագիծ»ի դրամաշնորհի պայմանագիրը:

«Ուրախ եմ տեղեկացնելու, որ «Մարդկային անվտանգութեան ապահովման» ծրագիրի շրջագիծին մէջ, Ճափոնի դրամաշնորհ-օժանդակութիւնը՝ 88,748 տոլար, այժմ կը ծառայէ Հայաստանի մէջ կիներու եւ երեխաներու առողջութեան պաշտպանութեան», ըսաւ Եամատա՝ աւելցնելով, որ երեխաներու առողջութիւնն է առողջ հասարակութեան բանալին, որ կը նշանակէ, թէ պէտք է օգտագործել բոլոր միջոցները՝ օգնելու նորածիններուն աշխարհ գալու առանց հիւանդութիւններու:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top