Էրտողան Կը Շարունակէ Ահաբեկչական «Իսլամ Եղբայրներ» Շարժումին Զօրակցիլ. Գահիրէ

0315Hafez

0315Hafez

ԳԱՀԻՐԷ, «Ռոյթըրզ».- Եգիպտոսի արտաքին գործոց նախարարութեան բանբեր Ահմատ Հաֆեզ յայտարարեց, թէ Թուրքիոյ նախագահ Ռեչեփ Թայիփ Էրտողան Եգիպտոսի եւ անոր քաղաքական ղեկավարութեան մասին արտասանած խօսքերով դարձեալ փաստած է, «որ կը շարունակէ  ահաբեկչական «Իսլամ եղբայրներ» շարժումին ու անոր համակիրներուն զօրակցիլ»:

«Այդպիսի անհեթեթութիւններ կ՛արտայայտէ մէկը, որ կալանաւորեց եւ բանտարկեց 175 լրագրողներ եւ լրատուամիջոցներու աշխատակիցներ», ըսաւ ան՝ աւելցնելով. «Կարգ մը գնահատումներ ցոյց կու տան, թէ Թուրքիոյ մէջ առաւել քան 70 հազար քաղաքական բանտարկեալներ կան»:

Հակադարձելով Եգիպտոսի հասցէին կատարուած Էրտողանի հերթական քննադատութեանց՝ Հաֆեզ յայտնեց, որ Էրտողան կամայականօրէն գործէ արձակած է 130,000 պետական պաշտօնեաներ եւ միայն անցեալ շաբթուան ընթացքին 1400 թուրք քաղաքացիներ ձերբակալելու հրաման տրուած է, մինչ պատժական տնօրինումներու կ՛ենթարկուին տասնեակներով մտաւորականներ, լրագրողներ, քաղաքական հասարակութեան անդամներ ու գործարարներ, որոնց շարքին 16 անձեր, ներառեալ իրենց խօսքի ազատութիւնը կիրարկող շարք մը ընդդիմադիր լրագրողներ, որոնք ցկեանս բանտարկութեան դատապարտուած են:

Հաֆեզ նաեւ շեշտեց, որ դատական վճիռներ արձակուած են 27 թուրք ակադեմականներու դէմ, որոնք 2016ին ստորագրած են դիմում մը, որ կոչ կ՛ուղղէ վերջ տալու թրքական պետութեան եւ քիւրտերուն միջեւ 30 տարիէ ի վեր ընթացող պատերազմին: «Այս պատմութիւնը յստակ կը դարձնէ, թէ Թուրքիոյ նախագահին պնդումները հաւաստի չեն», եզրակացուց Եգիպտոսի արտաքին գործոց նախարարութեան բանբերը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top