Փայլան Յստակացում Կը Պահանջէ Համայնքային Ընտրութեանց Ձգձգման Գծով

0322paylan

0322paylan

ՊՈԼԻՍ.- Թուրքիոյ քրտամէտ Ժողովուրդներու ժողովրդավարական կուսակցութենէն հայ պատգամաւոր Կարօ Փայլանի գրասենեակէն կը տեղեկանանք, թէ ան յստակացում պահանջած է փոքրամասնական համայնքային հաստատութիւններուն մէջ ընտրութիւններ կատարելու նոր կանոնագրութեան վաւերացման գծով ձգձգումներուն մասին։

Թուրքիոյ փոքրամասնական համայնքային հաստատութիւններու (վաքըֆ) ընտրութիւնները առաւել քան վեց տարիէ ի վեր տեղի չեն ունենար, որովհետեւ ընտրական կանոնադրութիւնը ջնջուած է 19 Յունուար 2013ին: Նոր կանոնադրութիւնը, հակառակ փոքրամասնական համայնքներու բուռն պահանջներուն, տակաւին չէ հրապարակուած: Վաքըֆներու ընդհանուր տնօրէնութիւնը, ի դերեւ հանելով ժողովրդավարական լուծում ակնկալող փոքրամասնական համայնքներուն յոյսերը՝ հրապարակեց շրջաբերական մը, որով «վարչութիւնները՝ մահուան կամ հրաժարումի հետեւանքով թափուր մնացած տեղերը պիտի կարենան լեցնել նշանակումներով»:

Այս նիւթին շուրջ Փայլան իր հարցապնդումը հասցէագրած է մշակոյթի եւ զբօսաշրջութեան նախարար Մեհմետ Նուրի Էրսոյին, որուն ենթակայութեան տակ կը գործէ Վաքըֆներու ընդհանուր տնօրէնութիւնը. անոր մէջ կան հետեւեալ հարցումները.

– Ի՞նչ պատճառաբանութեամբ նշանակումի արտօնութիւն տրուած է չորս տարուան ժամկէտի մը համար ընտրուած անձերուն, որոնք 8-9 տարիէ ի վեր պաշտօն վարելով հանդերձ, դարձեալ չեն վաւերացուած իրենց համայնքներուն կողմէ.

– Նշեալ շրջաբերականին նպատակը արդեօք համայնքային մարմիններու ընտրութիւնները դարձեա՞լ յետաձգել, նոյնիսկ զանոնք բոլորովին վերացնե՞լն է.

– Համայնքային մարմիններու ընտրութիւնը կանոնակարգող կանոնադրութիւնը արդեօք ի՞նչ պատճառաբանութեամբ չի պատրաստուիր վեց տարիէ ի վեր: Կանոնադրութիւնը ե՞րբ պիտի հրապարակուի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top