«Եւա» Ֆիլմը Պիտի Ցուցադրուի Ֆրեզնոյի Համալսարանին Մէջ

0000Yeva csuf

0000Yeva csuf

ՖՐԵԶՆՕ.- Քալիֆորնիոյ նահանգային համալսարանի Ֆրեզնոյի մասնաճիւղի «ՍինէՔալչըր» ծրագիրին եւ Հայագիտական ծրագիրին համագործակցութեամբ, Ուրբաթ, 29 Մարտին, երեկոյեան ժամը 5:30ին, համալսարանին «Փիթըրզ» թատերասրահին մէջ (5010 N. Woodrow Ave., Fresno, CA 93740) տեղի պիտի ունենայ «Եւա» ֆիլմին ցուցադրութիւնը:

Ֆիլմին ցուցադրութենէն ետք, Ֆրեզնոյի Հայագիտական ծրագիրին համակարգող՝ փրոֆ. Պարլօ Տէր Մկրտիչեան պիտի առաջնորդէ ֆիլմին շուրջ տեղի ունենալիք քննարկումը։

Բեմադրիչ Անահիտ Ա-պատիի հայ-իրանեան «Եւա» ֆիլմը Հայաստան-Իրան համաարտադրութիւն է, որ պատմութիւնն է կնոջ մը, որ Արցախի պատերազմին ընթացքին կորսնցուցած է իր ամուսինը եւ կ՛ուզէ մոռնալ տարիներ առաջ իր կեանքին մէջ տեղի ունեցած մութ ու ծանր պատմութիւնը: Եւան իր դստեր Նարէի հետ կը հեռանայ Երեւանէն եւ կը հաստատուի Արցախ, սակայն, անցեալը ամէն տեղ կը հետապնդէ զինք:

Մուտքը ազատ է, սակայն տեղերը սահմանափակ են, իսկ համալսարանին մօտակայ կանգառները այդ ժամերուն կարելի է ձրիաբար օգտագործել:

Յաւելեալ տեղեկութեանց համար՝ դիմել (559) 278-2669 թիւին կամ այցելել www.fresnostate.edu/armenianstudies կայքէջը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top