Փաշինեան Ենոքաւանի Մէջ Հանդիպում Մը Ունեցաւ Վրաստանի Վարչապետին Հետ

0326bakhdatse

0326bakhdatse

ԵՐԵՒԱՆ.- Հայաստանի վարչապետ Նիկոլ Փաշինեան եւ Վրաստանի  վարչապետ Մամուքա Պախթածէ 24 Մարտին անպաշտօն հանդիպում մը ունեցան Տաւուշի մարզի Ենոքաւան շրջանին մէջ:

Զրուցակիցները քննարկեցին հայ-վրացական յարաբերութիւններու օրակարգային զանազան հարցեր եւ անդրադարձան երկուստեք հետաքրքրութիւն ներկայացնող այլ նիւթերու:

Նիկոլ Փաշինեան եւ Մամուքա Պախթածէ ընդգծեցին հայ-վրացական յարաբերութիւններու կարեւորութիւնը բոլոր ոլորտներուն մէջ եւ յայտնեցին, թէ համոզուած են, որ հետագայ աշխոյժ փոխադարձ գործակցութիւնը պիտի նպաստէ երկու դրացի եւ բարեկամ պետութիւններուն միջեւ շարք մը ուղղութիւններով համագործակցութեան զարգացման ու ընդլայնման:

Այս շրջագիծին մէջ, կողմերը կարեւոր նկատեցին ո՛չ միայն պաշտօնական, այլ նաեւ նման անպաշտօն հանդիպումներու յաճախակի կազմակերպումը:

Նշենք, որ վարչապետ Նիկոլ Փաշինեանի եւ Մամուքա Պախթածէի նախորդ անպաշտօն հանդիպումը տեղի ունեցած էր 15 Յունուարին, Վրաստանի Փոլնիսի քաղաքին մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top