Վարչապետին Ներկայացուեցաւ Ենոքաւանի Զարգացման Ռազմավարութիւնը  

0326yenokavan

 

0326yenokavan

Վարչապետ Նիկոլ Փաշինեան 24 Մարտին այցելեց Տաւուշի մարզի Ենոքաւան համայնքը: Վարչապետին ընկերացան փոխվարչապետ Տիգրան Աւինեան, վարչապետի աշխատակազմի ղեկավար Էդուարդ Աղաջանեան եւ Տաւուշի մարզպետ Հայկ Չոբանեան:

Այցի ծիրին մէջ վարչապետին ներկայացուեցաւ «Ենոքաւանի զարգացման ռազմավարութիւն 2025» նախագիծը, որուն առանցքային ուղղութիւնը համայնքի զբօսաշրջութեան, ենթակառուցուածքներու մարզերու զարգացումն է:

Ռազմավարութեամբ կ՛ակնկալուի Ենոքաւանը դարձնել արկածային, զգայացունց զբօսաշրջութեան կեդրոն եւ տարեկան այցելութիւններու թիւը ներկայի 50 հազարի փոխարէն հասցնել 250 հազարի: Կը նախատեսուի մինչեւ 2025 ներգրաւել քանի մը տասնեակ միլիոն տոլարի ներդրումներ՝ ընդլայնելու համար զբօսաշրջութեան հանգրուաններու թիւը, ստեղծելով նոր աշխատատեղեր:

Նշուած է, որ 2018 տարեշրջանին, Ենոքաւանի մէջ զբօսաշրջութեան ոլորտի շրջանառութիւնը եղած է 1.5 միլիոն տոլար. 2025ին կ՛ակնկալուի այդ թիւը հասցնել գրեթէ 13 միլիոն տոլարի:

Զեկուցուած է նաեւ, որ արդէն իսկ Ենոքաւանի հողերու օգտագործման գլխաւոր յատակագիծը մշակելու քայլեր կ՛առնուին:

Վարչապետ Փաշինեան ողջունած է եւ կարեւորած է ռազմավարութեան իրականացումը եւ նշած, որ կառավարութիւնը պատրաստ է իր գործիքակազմերու սահմաններուն մէջ օժանդակել ռազմավարութեամբ նախատեսուող ծրագիրներու եւ ներդրումային նախագիծերու իրագործման հետագայ քայլերուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top