Մեկնարկեց Զինուած Ուժերու Ղեկավար Կազմին Գործնական Հաւաքը

0326commanders

0326commanders

ԵՐԵՒԱՆ.- Հայաստանի պաշտպանութեան նախարարութեան վարչական համալիրին մէջ, 25 Մարտին մեկնարկեց զինուած ուժերու ղեկավար կազմին հաւաքը: Հայկական երկու հանրապետութիւններու զինուած ուժերու փոխգործակցութեան ծիրին մէջ, հաւաքին կը մասնակցին նաեւ Արցախի պաշտպանութեան բանակի հրամանատարական կազմի ներկայացուցիչները:

Հայաստանի պաշտպանութեան նախարար Դաւիթ Տօնոյեան հանդէս եկաւ «Ռազմաքաղաքական իրավիճակը տարածաշրջանին մէջ, անկէ բխող հնարաւոր զարգացումները» նիւթով դասախօսութեամբ:

Պաշտպանական նախարարը հաւաքին մասնակիցներուն ներկայացուց Հայաստանի եւ Արցախի շուրջ ապահովութեան միջավայրի հիմնական մարտահրաւէրները, արտաքին, ինչպէս՝ ռազմական բնոյթի սպառնալիքները, տարածաշրջանային շահերու եւ հակամարտութիւններու ոլորտին մէջ գոյութիւն ունեցող եւ հաւանական զարգացումները, Լեռնային Ղարաբաղի հակամարտութեան խաղաղ կարգաւորման գործընթացին մէջ հայկական կողմին համար բարենպաստ բանակցային պայմաններ ապահովելու հիմնական գրաւականները:

Զինուած ուժերու ղեկավար կազմի գործնական հաւաքին դասախօսութեամբ հանդէս եկաւ նաեւ Հայաստանի արտաքին գործոց նախարար Զօհրապ Մնացականեան, որ ներկայացուց Լեռնային Ղարաբաղի հիմնահարցի խաղաղ կարգաւորման գործընթացին մէջ Հայաստանի մօտեցումները եւ սկզբունքային դիրքորոշումը, տարածաշրջանային զարգացումները ու այն կարեւորագոյն ազդակները եւ գործօնները, որոնք կրնան դերակատարութիւն ունենալ այս հարցին մէջ:

Մնացականեան անգամ մը եւս փաստեց, որ Լեռնային Ղարաբաղի հակամարտութեան խաղաղ կարգաւորման գործընթացը այլընտրանք չունի:

Յիշեցնենք, որ կը նախատեսուի նաեւ վարչապետ նիկոլ Փաշինեանի՝ հաւաքին մասնակցութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top