Թրամփի Եւ Ռուսիոյ Միջեւ Դաւադրութեան Չյայտնաբերած Տեղեկագիրը Հրապարակելու Կոչեր

Ուիլիըմ Պար

 

Ուիլիըմ Պար

Ուիլիըմ Պար

ՈՒԱՇԻՆԿԹԸՆ, «Ազատութիւն».- 22 ամիս առաջ սկսած հետաքննութենէն ետք, ամերիկացիները տակաւին չեն ստացած նախագահ Տանըլտ Թրամփի ընտրուելու ջանքերուն մէջ Ռուսիոյ հետ հաւանական գործակցութեան մասին տեղեկագիրին մանրամասնութիւնները։

Արդարեւ, 24 Մարտին, այդ տեղեկագիրին մասին իր ամփոփումը հրապարկեց Թրամփի կողմէ ընդհանուր դատախազ նշանակուած Ուիլիըմ Պար, որ հետաքննութեան առաջին իսկ օրէն իսկ անոր դէմ արտայայտուած էր։ Պար յայտարարեց, թէ յատուկ դատախազ Ռապըրթ Միւլըր Թրամփի կամ անոր ընտրական խմբակին ու ռուսական կողմին միջեւ դաւադրութիւն հաստատող յստակ փաստեր չէ կրցած յայտնաբերել, հակառակ անոր, որ ընտրապայքարի օրերուն Թրամփի խորհրդականներուն եւ ռուսերուն միջեւ շարք մը կասկածելի հանդիպումներ տեղի ունեցած էին։

Միւլըր հետեւեալը գրած է տե-ղեկագրին մէջ. «Այս տեղեկագիրը չ՛եզրակացներ, որ նախագահը ոճիրի մը հեղինակն է, սակայն նաեւ չի կրնար հաստատել, որ ան անմեղ է»։

Յատկանշական է նաեւ, որ Միւլըր վեջնական եզրակացութեան մը չէ հասած այն հարցին շուրջ, թէ Թրամփ, որ շարունակաբար «վհուկներու որս» կը համարէր իր իսկ վարչակազմին որոշումով սկսած հետաքննութիւնը, իրականութիւնները բացայայտելու ջանքերուն խոչընդոտա՞ծ էր։

Յատկանշական է նաեւ այն, որ տեղեկագիրը հաստատած է, թէ Ռուսիա տարբեր միջոցներով իր կարելին ըրած է Թրամփի ընտրական յաղթանակը ապահովելու համար։

Ներկայացուցիչներու տան խօսնակ Նենսի Փըլոսի եւ Ծերակոյտին մէջ դեմոկրատ փոքրամասնութեան ղեկավար Չաք Շումըր պահանջեցին Պարէն, որ անյապաղ հրապարակէ տեղեկագիրը՝ յիշեցնելով, որ անոր պատրաստութեան ծախսերը հոգացող ժողովուրդին տարրական իրաւունքն է զայն ամբողջութեամբ տեսնել։

Ներկայացուցիչներու տունը 14 Մարտին միձայնութեամբ վաւերացուցած էր բանաձեւ մը, պահանջելով Միւլըրի ամբողջական տեղեկագիրին հրապարակումը։

Յիշեցնենք, որ հետաքննութեան շնորհիւ՝ բացայայտուած էին շարք մը օրինախախտումներ, որոնց հետեւանքով Թրամփի քանի մը բարձրաստիճան խորհրդականներ պաշտօնազրկուեցան, իսկ անոր ընտրապայքարի ղեկավարին եւ անձնական փաստաբանին դէմ բանտարկութեան վճիռներ արձակուեցան, ինչպէս նաեւ ապահովուեցաւ տասնեակ միլիոն տոլարի վնասուց հատուցումներ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top